బండ్ల చేతికి చిక్కిన మ‌ణిర‌త్నం

‘టెంప‌ర్’ త‌ర్వాత ఏడాది పాటు ప‌త్తా లేకుండా పోయిన బండ్ల గ‌ణేష్ ఈ మ‌ధ్య ‘టు కంట్రీస్’ రీమేక్ రైట్స్ కొని వార్త‌ల్లోకి వ‌చ్చాడు. ఆ రీమేక్ సంగ‌తి అతీ గ‌తీ లేకుండా పోయింది. ఆ త‌ర్వాత బండ్ల క‌ళ్లు త‌మిళ డ‌బ్బింగ్ సినిమాల మీద ప‌డ్డ‌ట్లున్నాయి. ఆల్రెడీ లారెన్స్ ‘కాంఛ‌న’ సిరీస్ లో భాగంగా తీయ‌బోయే త‌ర్వాతి సినిమా హ‌క్కులు కొన్న బండ్ల.. తాజాగా మ‌ణిర‌త్నం త‌ర్వాతి సినిమాను చేజిక్కించుకున్నాడు. ఒక‌ప్పుడు త‌న ద‌గ్గ‌ర అసిస్టెంట్ డైరెక్ట‌ర్ గా ప‌ని చేసిన కార్తి హీరోగా మ‌ణిర‌త్నం ఓ ల‌వ్ స్టోరీ తీయ‌డానికి స‌న్నాహాలు చేస్తున్న సంగ‌తి తెలిసిందే. మ‌ణి ఆస్థాన సంగీత ద‌ర్శ‌కుడు ఎ.ఆర్.రెహమానే ఈ చిత్రానికి మ్యూజిక్ ఇవ్వ‌బోతున్నాడు.

ముందు ఈ సినిమాకు ప్రేమ‌మ్ ఫేమ్ సాయిప‌ల్ల‌విని హీరోయిన్ గా అనుకున్న‌ప్ప‌టికీ త‌ర్వాత ఆమెను త‌ప్పించి బాలీవుడ్ భామ అదితిరావు హైద‌రిని ఎంచుకున్నాడు మ‌ణి. కార్తి ఇందులో పైల‌ట్ పాత్ర పోషిస్తుండ‌టం విశేషం. ఈ పాత్ర కోసం కార్తి ఇప్ప‌టికే పైల‌ట్ క్రాష్ కోర్సు కూడా చేస్తుండ‌టం విశేషం. త‌మిళంలో మ‌ణిర‌త్న‌మే స్వ‌యంగా నిర్మిస్తున్న ఈ చిత్రాన్ని మంచి రేటు ఇచ్చి బండ్ల సొంతం చేసుకున్నాడు. మ‌ణిర‌త్నం గ‌త సినిమా ‘ఓకే బంగారం’ను అగ్ర నిర్మాత దిల్ రాజు తెలుగులో రిలీజ్ చేస్తే.. ఈసారి బండ్ల లాంటి బ‌డా ప్రొడ్యూస‌ర్ ఆయ‌న సినిమాను తీసుకోవ‌డం విశేష‌మే. ఈ నెల‌లోనే సెట్స్ మీదికి వెళ్ల‌నున్న ఈ సినిమా ఏడాది ఆఖ‌ర్లో రిలీజ‌య్యే అవ‌కాశ‌ముంది.