ప్రకాష్‌ రాజ్ కు మద్దతుగానే బండ్ల!

మా ఎన్నికల హడావుడి టాలీవుడ్‌ లో కనిపిస్తుంది. ప్రకాష్‌ రాజ్‌ మరియు మంచు విష్ణు లు మరియు వారి ప్యానల్ సభ్యులు అంతా కూడా ఇప్పటికే నామినేషన్స్ వేశారు. నామినేషన్ సందర్బంగా చేసిన వ్యాఖ్యలు.. పోటా పోటీగా చేసుకున్న విమర్శలు రాజకీయ ఎన్నికలు తలపించినట్లుగా ఉన్నాయి అంటూ కామెంట్స్ వచ్చాయి. ఈ రెండు ప్యానల్స్‌ వారు మాత్రమే కాకుండా స్వతంత్రులు పలువురు ఈ పోటీలో నిలిచారు. ముఖ్యంగా జనరల్ సెక్రెటరి పదవికి బండ్ల గణేష్‌ పోటీ చేయడం జరుగుతుంది. మంచు విష్ణు మరియు ప్రకాష్‌ రాజ్‌ ప్యానల్స్ లో జెనరల్‌ సెక్రటరీ పోస్ట్‌ ల కోసం ప్రముఖులు నామినేషన్స్ వేయడం జరిగింది. ముఖ్యంగా ప్రకాష్ రాజ్ ప్యానల్‌ లో జీవిత రాజశేఖర్‌ ఆ పదవికి గాను నామినేషన్ వేయడం జరిగింది.

ప్రకాష్ రాజ్‌ ప్యానల్‌ లో ఉన్న బండ్ల గణేష్ అనూహ్యంగా బయటకు వచ్చాడు. జీవిత రాజశేఖర్‌ ను తన ప్యానల్ లోకి తీసుకున్న కారణంగానే బండ్ల గణేష్‌ బయటకు వచ్చేసిన విషయం తెల్సిందే. ఆ ప్యానల్‌ నుండి బయటకు వచ్చినా కూడా ప్రకాష్‌ రాజ్‌ ప్యానల్‌ గెలవాలని బండ్ల గణేష్‌ కోరుకుంటున్నట్లుగా తెలుస్తోంది. ప్రకాష్ రాజ్ ప్రెసిడెంట్‌ గా గెలవాలి కాని జనరల్‌ సెక్రటరీగా మాత్రం తాను గెలవాలంటూ బండ్ల గణేష్‌ బలంగా కోరుకుంటున్నట్లుగా తెలుస్తోంది.

బండ్ల గణేష్‌ ప్రెసిడెంట్‌ ఓటు గురించి బాహాటంగా మాట్లాడటం లేదు. కాని ఆయన ప్రకాష్‌ రాజ్‌ కే తన మద్దతు పలుకుతున్నట్లుగా తెలుస్తోంది. తాజాగా ప్రకాష్‌ రాజ్‌ చేసిన ట్వీట్‌ ను రీ ట్వీట్‌ చేసిన బండ్ల గణేష్‌ ఒక్క ఓటు మాత్రం నాకు వేయండి అంటూ విజ్ఞప్తి చేశాడు. అంటే దీని అర్థం ప్రకాష్‌ రాజ్ ప్యానల్‌ లో జనరల్‌ సెక్రటరీ పోస్ట్‌ కు తప్ప అన్ని అన్నింటికి వారికే వేయండి.. ఆ ఒక్క ఓటు మాత్రం నాకు వేయండి అంటూ బండ్ల గణేష్‌ పరోక్షంగా విజ్ఞప్తి చేసినట్లుగా ఉందంటూ నెటిజన్స్ కామెంట్స్ చేస్తున్నారు. మెగా సపోర్ట్‌ ఉన్న బండ్ల గణేష్ జనరల్‌ సెక్రటరీగా విజయం సాధిస్తాడా అనేది చూడాలి.