'పవన్ కళ్యాణ్' పై వైరల్ ట్వీట్ చేసిన బండ్ల గణేష్.. ఏంటది??

తెలుగు ఇండస్ట్రీలో 'గబ్బర్ సింగ్' సినిమాతో స్టార్ ప్రొడ్యూసర్ అయిపోయాడు నటుడు బండ్ల గణేష్. క్యారెక్టర్ ఆర్టిస్ట్ గా ఇండస్ట్రీలో అడుగు పెట్టిన గణేష్ ఎన్నో సినిమాలలో నటించాడు. మొదటగా పవన్ కళ్యాణ్ హీరోగా తీన్మార్ సినిమా నిర్మించి నష్టపోయిన గణేష్.. తర్వాత గబ్బర్ సింగ్ సినిమాతో వసూళ్ల వరదనే రాబట్టుకున్నాడు. ఒక సినిమాతోనే బడా నిర్మాతగా మారిన గణేష్.. బన్నీతో ఇద్దరమ్మాయిలతో, ఎన్టీఆర్ హీరోగా బాద్షా, టెంపర్ సినిమాలు నిర్మించి టాప్ ప్రొడ్యూసర్ అయ్యాడు. ఆ టైంలోనే హిందీలో సూపర్ హిట్ అయిన ఆషీకీ-2 మూవీని తెలుగులో 'నీ జతగా నేనుండాలి' పేరుతో రీమేక్ చేసి ప్లాప్ అందుకున్నాడు. ఆ సినిమా తర్వాత రాజకీయాల్లోకి వెళ్ళిపోయిన గణేష్ ఎలక్షన్లలో తన అదృష్టం పరీక్షించుకున్నాడు. కానీ కుదరలేదు.

లాభం లేడని ఆ మధ్యే సోషల్ మీడియాలో ప్రత్యక్షమై.. "నాకు కిక్ ఇచ్చేది రాజకీయాలు కాదు.. సినిమాలే అని తెలుసుకున్నా' అంటూ మళ్ళీ వార్తల్లో నిలిచాడు. ఇక చాలాకాలం తర్వాత మహేష్ బాబు నటించిన సరిలేరు నీకెవ్వరూ సినిమాతో మళ్లీ కెమెరా ముందుకొచ్చాడు. అయితే ఆ సినిమాలో కమెడియన్ పాత్ర చేసాడు. అది కూడా పెద్దగా పేలలేదు. ఇదిలా ఉండగా.. తాజాగా తన అభిమాన హీరో పవన్ కళ్యాణ్ పంపిన క్రిస్మస్ కానుకను అందుకొని మరోసారి పవన్ పై తన ప్రేమను చాటుకున్నాడు. పవన్ పంపిన క్రిస్మస్ కానుకను తన మెమోరబుల్ ఫోటో దగ్గర పెట్టి.. పిక్ పోస్ట్ చేసాడు. 'పవన్ కళ్యాణ్ కి నేనెప్పుడూ బానిసనే. నా దేవుడు పవన్ కళ్యాణ్' అంటూ ట్వీట్ చేసాడు. ప్రస్తుతం బండ్ల ట్వీట్ సోషల్ మీడియాలో వైరల్ అవుతోంది. చూడాలి మరి పవన్ నుండి బండ్లకి ఏదైనా సందేశం అందుతుందేమో..!!