కబాలి రిలీజ్‌ చేస్తాడా? రీమేక్‌ చేస్తాడా?

సూపర్‌ స్టార్‌ రజనీకాంత్‌ లేటెస్టు మూవీ ''కబాలి''. ఇప్పటికే ఈ సినిమా తాలూకు ఫస్ట్‌ లుక్‌ పోస్టర్లు.. షూటింగ్‌ స్పాట్‌ లో తీసిన ఫోటోలు.. అన్నీ సినిమాపై విపరీతమైన హైప్‌ ను పెంచేశాయి. ఈ సినిమాలో రజనీకాంత్‌ ఒక మాజీ డాన్‌ గా నటిస్తున్న విషయం తెలిసిందే.

ఇప్పుడు అసలు విషయం ఏంటంటే.. ఈ సినిమాకు సంబంధించిన తెలుగు రైట్స్‌ అన్నీ కాస్త గట్టిగానే వెచ్చింది బండ్ల గణేష్‌ కొనుకున్నాడట. అప్పట్లో రోబో కు 21 కోట్లిచ్చాడు రాజమండ్రికి చెందిన ఒక పొగాకు వ్యాపారి. మరి మన కోళ్ళ ఫామ్‌ వ్యాపారి ఎంతిచ్చాడో తెలియదు కాని.. ''కబాలి''కి సంబంధించి ఆల్‌ హక్కులు నావే అంటున్నాడు. ఇప్పటికే మలయాళం మూవీ 2 కంట్రీస్‌ రైట్స్‌ కొనేసిన గణేష్‌ బాబు.. ఇప్పుడు ఈ సినిమా రైట్లను కూడా ఎందుకు కొన్నాడో ఏంటో.. రీమేకే చేస్తాడో.. లేక డైరెక్టుగా డబ్‌ చేసి రిలీజ్‌ చేస్తాడో.

అయితే రజనీకాంత్‌ సినిమాను కూడా బండ్ల ఆపేస్తాడేంటి అనే ప్రశ్న ఉత్పన్నమైతే మాత్రం.. తమిళంలో వచ్చిన రిజల్టును బట్టి ముందుకు దూసుకుపోతా అంటున్నాడట మన గబ్బర్‌ సింగ్‌ ప్రొడ్యూసర్‌.