ఏనుగు.. గుర్రం.. బాబా.. దోచేశారు

బాలీవుడ్ లో ఇప్పుడు రకరకాలు ఇంట్రెస్టింగ్ సినిమాలు వస్తున్నాయి. కొందరు బాగా కొత్త రకం కథలను ప్రయత్నిస్తుంటే.. కొందరు మాత్రం రొటీన్ చింతకాయ పచ్చడినే కొత్త కవర్ లో ప్రజలకు సెర్వ్ చేస్తున్నారు. ఇటువంటి ఏ సినిమా అయినా కూడా పోస్టర్లతోనే ఆకట్టుకోవడం ఇప్పుడు బాలీవుడ్ లో సర్వసాధారణం అయిపోయింది.

ఇప్పుడు ''బ్యాంక్ చోర్'' అంటూ ఒక సినిమా వస్తోంది. నిజానికి కామెడీతో పాపులర్ అయిన కపిల్ శర్మ ఈ సినిమాలో హీరోగా చేయాలి. అయితే మనోడు యశ్ రాజ్ వారు పెట్టిన కండీషన్లకు నో చెప్పడంతో.. ఇప్పుడు ఆ పాత్రను జెనీలియా మొగుడు రితేశ్‌ దేశ్ముఖ్ చేశాడు. ఈ సినిమా ఫస్ట్ లుక్ ను విడుదల చేస్తూ.. అందులో బాబా గెటప్ లో రితేశ్ ను .. అలాగే గుర్రం మాస్క్ వేసుకున్న ఒక దొంగని.. ఏనుగు మాస్క్ వేసుకున్న మరొక దొంగని చూపించారు. ఇదంతా చూపిస్తూ.. ఒక ఏనుగు.. ఒక గుర్రం.. ఒక బాబా.. బ్యాంకును దోచుకున్నాయ్ అంటున్నారు. చూద్దాం మరి ఈ కామెడీ ఎంతవరకు క్లిక్ అవుతుందో.

అసలే ఈ మధ్యన యశ్‌ రాజ్ కాంపౌండ్ నుండి వచ్చిన సినిమాలేవీ పెద్దగా ఆడట్లేదు. కాబట్టి ఈ బ్యాంకు చోరుడు అయినా ఆడియన్స్ పర్సులను చోరీ చేసి బాగానే వెనకేస్తాడని ఆశిద్దాం.

Like Us on Facebook : https://www.facebook.com/Tupakidotcom/