బన్నీ కి 'బ‌తుకు బస్టాండ్' టీమ్ స్పెషల్ బర్త్ డే విషెస్..!

మెగా ప్రొడ్యూసర్ అల్లు అర‌వింద్ బావ‌మ‌రిది కొడుకు ముత్తంశెట్టి విరాన్ హీరోగా పరిచయం అవుతున్న సంగతి తెలిసిందే. 'బ‌తుకు బస్టాండ్' అనే సినిమాతో విరాన్ ప్రేక్ష‌కుల ముందుకు రాబోతున్నాడు. నిఖిత హీరోయిన్ గా నటిస్తోంది. ఈ చిత్రానికి ఐఎన్ రెడ్డి దర్శకత్వం వహిస్తున్నారు. ఇలవల ఫిలిమ్స్ బ్యానర్ పై ఐ.కవితా రెడ్డి - కె.మాధవి ఈ చిత్రాన్ని నిర్మిస్తున్నారు. ఇప్పటికే ఈ సినిమా ఫస్ట్ లుక్ కూడా విడుదలైంది. విరాన్ కు మేనత్త కొడుకైన అల్లు అర్జున్ సపోర్ట్ గా నిలుస్తున్నట్లు తెలుస్తోంది. ఈ నేపథ్యంలో బన్నీకి విరాన్ స్పెషల్ గా బర్త్ డే విషెస్ తెలియజేసాడు.

అల్లు అర్జున్ ఏప్రిల్ 8న తన పుట్టినరోజును జరుపుకోనున్నారు. ఈ నేపథ్యంలో 'బ‌తుకు బస్టాండ్' టీమ్ ఓ వీడియో విడుదల చేసి స్పెషల్ గా ఆయనకు బర్త్ డే విషెస్ తెలిపింది. ఈ వీడియోలో గోడపై ఉన్న బన్నీ 'పుష్ప' పోస్టర్ కు హీరో విరాన్ సెల్యూట్ చేస్తూ కనిపిస్తున్నాడు. ఈ సందర్భంగా 'ఐకానిక్ మాస్ స్టార్ అల్లు అర్జున్' కు పుట్టినరోజు శుభాకాంక్షలు అని చిత్ర యూనిట్ పేర్కొన్నారు. ఇకపోతే యెలేందర్ మహావీర్ సంగీతం సమకూరుస్తున్న ఈ చిత్రానికి వాసు కమల్ సినిమాటోగ్రఫీ అందిస్తున్నారు. 'బ‌తుకు బస్టాండ్' చిత్రాన్ని జూన్ 11న విడుదల చేయడానికి మేకర్స్ సన్నాహాలు చేస్తున్నారు.