'బతుకు బస్టాండ్' ఫస్ట్ గ్లిమ్స్: మాస్ యాంగిల్ లో బన్నీ బావమరిది

స్టైలిష్ స్టార్ అల్లు అర్జున్ మేనమామ కొడుకు విరాన్‌ ముత్తంశెట్టి హీరోగా పరిచయం అవుతున్న సినిమా ''బతుకు బస్టాండ్''. కె.చక్రధర్ రెడ్డి సమర్పణలో ఇలవల ఫిలిమ్స్ బ్యానర్ పై ఐ.కవితా రెడ్డి - కె.మాధవి ఈ చిత్రాన్ని నిర్మిస్తున్నారు. ఐఎన్ రెడ్డి దర్శకత్వంలో ఈ సినిమా తెరకెక్కుతోంది. ఇందులో నిఖిత అరోరా - శృతి శెట్టి - జెన్నిఫర్ హీరోయిన్లుగా నటిస్తున్నారు. ఇప్పటికే విడుదలైన ఈ సినిమా ఫస్ట్ లుక్ - బన్నీ బర్త్ డే కానుకగా వదిలిన స్పెషల్ వీడియో - ఉగాది సందర్భంగా రిలీజ్ చేసిన రొమాంటిక్ పోస్టర్ అలరించాయి. ఈ క్రమంలో తాజాగా ఈ సినిమాకు సంబంధించిన ఫస్ట్ గ్లిమ్స్ ను చిత్రయూనిట్‌ విడుదల చేసింది.

'బతుకు బస్టాండ్' ఫస్ట్ గ్లిమ్స్ లో హీరో విరాన్ ఒక రౌడీని సీక్రెట్ గా ఫాలో అవుతూ వెళ్తున్నాడు. ఈ క్రమంలో కొంతమంది రౌడీలతో ఫైట్ చేస్తూ కనిపిస్తున్నాడు. విరాన్ ఫస్ట్ సినిమాతోనే తనలోని మాస్ యాంగిల్ ని కూడా బయటపెట్టడానికి ట్రై చేస్తున్నాడని అర్థం అవుతోంది. దీనికి మ్యూజిక్ డైరెక్టర్ మహవీర్ అందించిన నేపథ్య సంగీతం ఆకట్టుకునేలా ఉంది. అలానే శేఖర్ చేసిన యాక్షన్ కొరియోగ్రఫీ.. వాస్ కమల్ అందించిన సినిమాటోగ్రఫీ బాగున్నాయి. ఈ చిత్రాన్ని జూన్ 11న విడుదల చేయడానికి మేకర్స్ సన్నాహాలు చేస్తున్నారు. అల్లు ఫ్యామిలీ సపోర్ట్ తో ఇండస్ట్రీలో అడుగుపెడుతున్న విరాన్ కు 'బ‌తుకు బస్టాండ్' సినిమా ఎలాంటి గుర్తింపును తెచ్చిపెడుతుందో చూడాలి.