బిబి ఓటీటీ.. ఆ సీజన్‌ వాళ్లు ముగ్గురు, ఐటెం బాంబ్‌ కూడా!

తెలుగు బుల్లి తెర ప్రేక్షకులను విశేషంగా ఆకట్టుకున్న బిగ్‌ బాస్ ఇప్పుడు ఓటీటీ ద్వారా ప్రేక్షకులను ఎంటర్‌ టైన్ చేసేందుకు సిద్దం అయ్యింది. హిందీ ఓటీటీ బిగ్ బాస్ కంటే రెండు మూడు రెట్ల అధిక క్రేజ్‌ తెలుగు ఓటీటీ బిగ్ బాస్ పై ఉంది అనడంలో ఎలాంటి సందేహం లేదు. టీవీలో టెలికాస్ట్‌ అయ్యే బిగ్‌ బాస్ ముందు ఎలాంటి హడావుడి సోషల్‌ మీడియాలో ఉండేదో.. ఇప్పుడు కూడా అదే తరహా.. అదే రేంజ్ హడావుడి కనిపిస్తుంది. బిగ్ బాస్ సీజన్‌ 5 సూపర్‌ హిట్ అయిన నేపథ్యంలో ఈ ఓటీటీ బిగ్ బాస్ ను ప్లాన్ చేసిన విషయం తెల్సిందే. బిగ్‌ బాస్ ఓటీటీ స్ట్రీమింగ్ ఈ నెల చివరి ఆదివారం నుండి అంటూ ఇప్పటికే నిర్వాహకుల నుండి సమాచారం లీక్ అయ్యింది. కంటెస్టెంట్స్ క్వారెంటైన్ ఇతర విషయాల గురించి చర్చలు జరుగుతున్నాయి. ఇదే సమయంలో కంటెస్టెంట్స్ గురించి మెల్ల మెల్లగా ఒకరి తర్వాత ఒకరు అన్నట్లుగా లీక్ లు వస్తున్నాయి.

ఓటీటీ బిగ్ బాస్ కనుక పాత కంటెస్టెంట్స్ ను మళ్లీ తీసుకోబోతున్నారు. హిందీ బిగ్ బాస్ ఓటీటీ కి అదే జరిగింది. కనుక తెలుగు బిగ్‌ బాస్ కు అదే ఫార్ములాను పాటించబోతున్నారు. ఓటీటీ బిగ్‌ బాస్ మొదటి సీజన్ లో కంటెస్టెంట్స్ విషయానికి వస్తే పలు పుకార్లు షికార్లు చేస్తున్నాయి. ఇప్పటికే ఎన్టీఆర్‌ హోస్టింగ్‌ చేసిన బిగ్‌ బాస్ సీజన్ 1 లో పాల్గొన్న ముగ్గురు కంటెస్టెంట్స్ ఓటీటీ బిగ్‌ బాస్ లో పాల్గొనబోతున్నారు. వారు ఆదర్ష్‌.. ముమైత్ ఖాన్ మరియు ధన్‌ రాజ్‌. వీరు ముగ్గురు కూడా బిగ్‌ బాస్ ఓటీటీ లో సందడి చేయడం ఖాయం అంటున్నారు. ముమైత్‌ ఖాన్‌ మరియు ధన్‌ రాజ్ ల మద్య అప్పట్లో పెద్ద గొడవ అయ్యింది... ఆ తర్వాత అది కాస్త సాల్వ్‌ అయ్యి ఇద్దరు కలిసి పోయారు. ముమైత్‌ ఖాన్‌ ఎలిమినేట్‌ అయిన సమయంలో ధన్‌ రాజ్ కన్నీరు మున్నీరు అయ్యాడు. అసలు ఇద్దరి మద్య ఏం జరిగింది అంటూ అప్పట్లో చాలా చర్చ జరిగేది. మళ్లీ ఇప్పుడు ఆ ఇద్దరు ఓటీటీ బిగ్ బాస్ లో ఎంట్రీ ఇవ్వడం వల్ల ఖచ్చితంగా ఎంటర్‌ టైన్‌మెంట్స్ పీక్స్ లో ఉంటుందని అనిపిస్తుంది.

బిగ్‌ బాస్ మొదటి సీజన్ లో ముమైత్‌ ఖాన్ ఆకట్టుకుంది. ఐటెం సాంగ్స్ స్పెషలిస్ట్ అంటూ పేరు దక్కించుకున్న ముమైత్‌ ఖాన్‌ మరో యాంగిల్ కూడా ఉందని ఆమె నిరూపించుకుంది. ఆమె వచ్చి రాని తెలుగు మరియు ఆమె బాడీ లాంగ్వేజ్ ప్రతి ఒక్కరికి నచ్చుతాయి. కనుక ఓటీటీ కోసం ఆమెను తీసుకున్నట్లుగా వార్తలు వస్తున్నాయి. తప్పకుండా ఆమె మంచి ఎంటర్‌ టైన్మెంట్ ను అందిస్తుందనే నమ్మకం వ్యక్తం అవుతుంది. ధన్‌ రాజ్ మరియు ఆదర్ష్‌ లు కూడా బిగ్‌ బాస్ ఓటీటీ లో ఉంటారని అంటున్నారు. వారు మాత్రమే కాకుండా అరియానా మరియు అషు రెడ్డిలు ఉండబోతున్నారని అంటున్నారు. మొత్తానికి కంటెస్టెంట్స్ తో రచ్చ చేయడం ఖాయం అనిపిస్తుంది. గత సీజన్‌ ల్లో హడావుడి చేసిన కంటెస్టెంట్స్ కనుక ఓటీటీ బిగ్‌ బాస్‌ ప్రేక్షకులకు మస్త్‌ ఎంటర్‌ టైన్మెంట్‌ ఇవ్వడం ఖాయం అనిపిస్తుంది.