BB3 లీక్స్: మోనార్క్ కాదు `గాడ్ ఫాద‌ర్`?

నందమూరి బాలకృష్ణ- బోయపాటి శ్రీను కాంబినేష‌న్ హ్యాట్రిక్ హిట్ కోసం క‌ఠోరంగా శ్ర‌మిస్తున్న‌ సంగ‌తి తెలిసిందే. # బిబి 3 అనేది వ‌ర్కింగ్ టైటిల్. ప్ర‌స్తుతం హైదరాబాద్ ప‌రిస‌రాల్లో శ‌ర‌వేగంగా చిత్రీక‌ర‌ణ పూర్త‌వుతోంది. సింహా- లెజెండ్ త‌ర్వాత మ‌ళ్లీ ఈ సినిమా టైటిల్ అంతే ప‌వ‌ర్ ఫుల్ గా ఉండాల‌నేది ఆలోచ‌న‌. కానీ టైటిల్ ని ఫైన‌ల్ చేయ‌డంలో చిత్ర‌బృందం ఆచి తూచి అడుగులు వేస్తోంది.

తాజాగా ఈ సినిమా గురించిన రెండు ఆస‌క్తిక‌ర విష‌యాలు వెల్ల‌డ‌య్యాయి. అందులో ఒక‌టి టైటిల్ ఫైన‌లైందిట‌. ఇంత‌కుముందు మోనార్క్ అనే టైటిల్ వినిపించినా చివ‌రికి గాడ్ ఫాద‌ర్ అనే టైటిల్ ని లాక్ చేశార‌ని గుస‌గుసలు వినిపిస్తున్నాయి. గాడ్ ఫాద‌ర్ టైటిల్ సింహా- లెజెండ్ ని మించిన సౌండింగ్ తో బ‌లంగా ఆడియెన్ లోకి దూసుకెళుతుంద‌‌న్న‌ది బాల‌య్య‌- బోయ‌పాటి భావ‌న అని తెలిసింది.

మ‌రో స‌మాచారం మేరకు... ఇటీవల యాక్ష‌న్ కొరియోగ్రాఫ‌ర్ తో క‌లిసి బోయ‌పాటి బృందం అద్భుతమైన అండ‌ర్ వాట‌ర్ పోరాటాన్ని చిత్రీకరించారని తెలిసింది. ఇందులో బాలకృష్ణ ఊపిరాడ‌నివ్వ‌ని రేంజులో ఫైట్ తో అద‌ర‌గొట్ట‌బోతున్నార‌ట‌. # BB3 విశ్రాంతి ముందు పోరాట దృశ్య‌మిద‌ని చెబుతున్నారు. బాలకృష్ణ నటించిన మొత్తం విశ్రాంతి(ఇంట‌ర్వెల్) బ్లాక్ మైండ్ బ్లాక్ చేస్తుంద‌ట‌.ఈ సినిమా హైలైట్స్ లో ఇదీ ఒక‌టి అని వినిపిస్తోంది.

ఇందులో ప్రగ్యా జైస్వాల్ క‌థానాయిక‌. శ‌తాధిక చిత్రాల క‌థానాయ‌కుడు శ్రీకాంత్ ప్రధాన విలన్ గా నటిస్తున్నారు. పూర్ణ మ‌రో కీలక పాత్రను పోషిస్తోంది. మిర్యాల రవీందర్ రెడ్డి నిర్మిస్తున్నారు. సి. రాంప్రాసాద్ ఛాయాగ్రహణం అందిస్తుండ‌గా.. ఎస్.ఎస్.తమన్ సంగీతం అందిస్తున్నారు. మరోవైపు రాయలసీమ కక్ష‌ల‌ నేపథ్యాన్ని కలిగి ఉన్న చిత్రం కోసం బాలకృష్ణ- గోపిచంద్ మలినేని కాంబినేష‌న్ ఫిక్స్ అయిన సంగ‌తి తెలిసిందే.