BB3 విడుదల విషయంలో ఫుల్ క్లారిటీతో ఉన్న మేకర్స్...?

నందమూరి బాలకృష్ణ - బోయపాటి శ్రీను కాంబినేషన్ లో హ్యాట్రిక్ సినిమా తెరకెక్కుతున్న సంగతి తెలిసిందే. బిబి3 వర్కింగ్ టైటిల్ తో చిత్రీకరణ జరుపుకుంటున్న ఈ సినిమా షూటింగ్ కరోనా కారణంగా నిలిచిపోయింది. ద్వారక క్రియేషన్స్ బ్యానర్ పై యువ నిర్మాత మిర్యాల రవీందర్ రెడ్డి ఈ చిత్రాన్ని నిర్మిస్తున్నాడు. థమన్ సంగీతం అందిస్తున్నాడు. బాలయ్య - బోయపాటి కాంబోలో వస్తున్న ఈ సినిమాపై నందమూరి అభిమానుల్లో భారీ అంచనాలున్నాయి. గతంలో వీరి కలయికలో వచ్చిన 'సింహా' 'లెజెండ్' సినిమాలు సూపర్ హిట్ అయ్యాయి. దీంతో ఈ సినిమాపై బాలయ్యతో పాటు ఆయన ఫ్యాన్స్ కూడా నమ్మకంతో ఉన్నారు. దీనికి తగ్గట్టే BB3 ఫస్ట్‌ రోర్‌ పేరుతో విడుదల చేసిన ఫస్ట్ లుక్‌ టీజర్ అదరగొట్టింది. ఇందులో పంచెకట్టులో మీసం మెలితిప్పుతూ మాస్‌ లుక్‌ లో బాలయ్య అలరించాడు. ఈ సినిమాలో బాలయ్య రెండు విభిన్న పాత్రల్లో కనిపిస్తుండగా.. అందులో ఒకటి అఘోర పాత్ర.. రెండోది ఫ్యాక్షనిస్ట్ పాత్ర అని సమాచారం.

ఇదిలా ఉండగా కరోనా లాక్ డౌన్ సడలింపులతో ఇప్పుడిప్పుడే సినిమా షూటింగ్స్ స్టార్ట్ అవుతున్న సంగతి తెలిసిందే. ఈ నేపథ్యంలో బిబి3 ని కూడా త్వరలోనే తిరిగి ప్రారంభించడానికి సన్నాహకాలు చేస్తున్నట్లు తెలుస్తోంది. ఇప్పటి నుంచే సమ్మర్ సీజన్ ని టార్గెట్ గా పెట్టుకొని చిత్రీకరణ జరపాలని ప్లాన్ చేసుకున్నారట. ఎట్టి ప‌రిస్థితుల్లో ఈ సినిమాను స‌మ్మ‌ర్ కి విడుద‌ల చేస్తామని డిస్ట్రిబ్యూటర్ల‌కి మేకర్స్ హామీ ఇచ్చిన‌ట్లు తెలుస్తోంది. స‌మ్మ‌ర్ కి క‌రోనా ప‌రిస్థితుల పూర్తిగా సర్దుమణిగే అవ‌కాశం ఉండటంతో అప్పుడే ఈ సినిమాను ప్రేక్ష‌కుల ముందుకు తీసుకురావ‌డం మంచిదని భావిస్తున్నారట. ఇక ఈ సినిమాలో బాలయ్యకు జోడీగా కొత్త హీరోయిన్ అయితే బాగుంటుందని మేకర్స్ భావిస్తున్నట్లు తెలుస్తోంది. హీరోయిన్ విషయంలో క్లారిటీ రావాలంటే అధికారిక ప్రకటన వచ్చే వరకు ఆగాల్సిందే.