Begin typing your search above and press return to search.
దేవిశ్రీ స్వరపరిచిన బ్యూటిఫుల్ రొమాంటిక్ మెలోడీ.. కొత్తగా లేదేంటి..!
By: Tupaki Desk | 6 May 2022 6:30 AM GMT
మెగా మేనల్లుడు పంజా వైష్ణవ్ తేజ్ - రొమాంటిక్ బ్యూటీ కేతిక శర్మ జంటగా నటించిన న్యూ ఏజ్ యూత్ ఫుల్ లవ్ అండ్ రొమాంటిక్ ఎంటర్టైనర్ ''రంగ రంగ వైభవంగా''. ఇందులో వీరిద్దరూ మెడికల్ స్టూడెంట్స్ గా కనిపించనున్నారు. ఇప్పటికే ఈ సినిమా షూటింగ్ పూర్తయింది.
త్వరలోనే ప్రేక్షకుల ముందుకు తీసుకురావాలని మేకర్స్ సన్నాహాలు చేస్తున్నారు. మరోవైపు జోరుగా ప్రమోషన్స్ నిర్వహిస్తున్నారు. 'రంగ రంగ వైభవంగా' చిత్రం నుంచి ఇది వరకే విడుదలైన ఫస్ట్ లుక్ - టీజర్ మరియు 'తెలుసా తెలుసా' పాటకు మంచి స్పందన లభించింది.
ఈ క్రమంలో తాజాగా సినిమాలోని 'కొత్తగా లేదేంటి' అనే సెకండ్ సింగిల్ లిరికల్ వీడియోని చిత్ర బృందం ఈరోజు శుక్రవారం ఉదయం విడుదల చేసింది. కొత్తగా లేదేంటి.. కొత్తగా లేదేంటి.. ఇంత దగ్గరున్నా నువ్వు నేనూ కొత్తగా లేదేంటి..' అంటూ సాగిన ఈ మెలోడీ గీతం శ్రోతలను అలరిస్తోంది.
వైష్ణవ్ తేజ్ - కేతికా శర్మ లపై షూట్ చేసిన ఈ రొమాంటిక్ సాంగ్.. ఇద్దరి మధ్య ఇంటిమేట్ మూమెంట్ ను విస్తరిస్తోంది. విజువల్ గానూ ఆకట్టుకుంటోన్న ఈ పాటలో హీరోహీరోయిన్ల మధ్య కెమిస్ట్రీ బాగుంది. మెలోడీలకు పెట్టింది పేరైన రాక్ స్టార్ దేవిశ్రీప్రసాద్.. 'కొత్తగా లేదేంటి' అంటూ మరోసారి తన స్వరాలతో మ్యాజిక్ చేశారు.
వైష్ణవ్ 'ఉప్పెన' సినిమా కోసం దేవిశ్రీ స్వరపరిచిన 'జల జల జలపాతం' అనే మెలోడీ గీతాన్ని గుర్తు చేస్తోంది. డీఎస్పీ కంపోజ్ చేసిన సూపర్ మెలోడియస్ ట్యూన్ కు గీత రచయిత శ్రీమణి అందించిన సాహిత్యం మరింత అందంగా ఒదిగిపోయింది. అర్మాన్ మాలిక్ మరియు హరి ప్రియ కలిసి ఆలపించిన ఈ పాట.. ఇన్స్టెంట్ చార్ట్ బస్టర్ గా నిలిచే అవకాశాలు కనిపిస్తున్నాయి.
'అర్జున్ రెడ్డి' రీమేక్ తో తమిళంలో బ్లాక్ బస్టర్ హిట్ అందుకున్న గిరీశయ్య ''రంగ రంగ వైభవంగా'' చిత్రానికి దర్శకత్వం వహిస్తున్నారు. శ్రీ వెంకటేశ్వర సినీ చిత్ర బ్యానర్ పై BVSN ప్రసాద్ నిర్మిస్తున్నారు. శ్యామ్ దత్ సైనుద్దీన్ సినిమాటోగ్రఫీ అందించగా.. కొల్లా అవినాష్ ఆర్ట్ డైరెక్టర్ గా వర్క్ చేశారు. కోటగిరి వెంకటేశ్వరరావు ఎడిటింగ్ చేస్తున్నారు. ఈ సినిమా మెగా హీరోకి ఎలాంటి సక్సెస్‌ అందిస్తుందో చూడాలి.
త్వరలోనే ప్రేక్షకుల ముందుకు తీసుకురావాలని మేకర్స్ సన్నాహాలు చేస్తున్నారు. మరోవైపు జోరుగా ప్రమోషన్స్ నిర్వహిస్తున్నారు. 'రంగ రంగ వైభవంగా' చిత్రం నుంచి ఇది వరకే విడుదలైన ఫస్ట్ లుక్ - టీజర్ మరియు 'తెలుసా తెలుసా' పాటకు మంచి స్పందన లభించింది.
ఈ క్రమంలో తాజాగా సినిమాలోని 'కొత్తగా లేదేంటి' అనే సెకండ్ సింగిల్ లిరికల్ వీడియోని చిత్ర బృందం ఈరోజు శుక్రవారం ఉదయం విడుదల చేసింది. కొత్తగా లేదేంటి.. కొత్తగా లేదేంటి.. ఇంత దగ్గరున్నా నువ్వు నేనూ కొత్తగా లేదేంటి..' అంటూ సాగిన ఈ మెలోడీ గీతం శ్రోతలను అలరిస్తోంది.
వైష్ణవ్ తేజ్ - కేతికా శర్మ లపై షూట్ చేసిన ఈ రొమాంటిక్ సాంగ్.. ఇద్దరి మధ్య ఇంటిమేట్ మూమెంట్ ను విస్తరిస్తోంది. విజువల్ గానూ ఆకట్టుకుంటోన్న ఈ పాటలో హీరోహీరోయిన్ల మధ్య కెమిస్ట్రీ బాగుంది. మెలోడీలకు పెట్టింది పేరైన రాక్ స్టార్ దేవిశ్రీప్రసాద్.. 'కొత్తగా లేదేంటి' అంటూ మరోసారి తన స్వరాలతో మ్యాజిక్ చేశారు.
వైష్ణవ్ 'ఉప్పెన' సినిమా కోసం దేవిశ్రీ స్వరపరిచిన 'జల జల జలపాతం' అనే మెలోడీ గీతాన్ని గుర్తు చేస్తోంది. డీఎస్పీ కంపోజ్ చేసిన సూపర్ మెలోడియస్ ట్యూన్ కు గీత రచయిత శ్రీమణి అందించిన సాహిత్యం మరింత అందంగా ఒదిగిపోయింది. అర్మాన్ మాలిక్ మరియు హరి ప్రియ కలిసి ఆలపించిన ఈ పాట.. ఇన్స్టెంట్ చార్ట్ బస్టర్ గా నిలిచే అవకాశాలు కనిపిస్తున్నాయి.
'అర్జున్ రెడ్డి' రీమేక్ తో తమిళంలో బ్లాక్ బస్టర్ హిట్ అందుకున్న గిరీశయ్య ''రంగ రంగ వైభవంగా'' చిత్రానికి దర్శకత్వం వహిస్తున్నారు. శ్రీ వెంకటేశ్వర సినీ చిత్ర బ్యానర్ పై BVSN ప్రసాద్ నిర్మిస్తున్నారు. శ్యామ్ దత్ సైనుద్దీన్ సినిమాటోగ్రఫీ అందించగా.. కొల్లా అవినాష్ ఆర్ట్ డైరెక్టర్ గా వర్క్ చేశారు. కోటగిరి వెంకటేశ్వరరావు ఎడిటింగ్ చేస్తున్నారు. ఈ సినిమా మెగా హీరోకి ఎలాంటి సక్సెస్‌ అందిస్తుందో చూడాలి.
