హీరో పోలీస్ లకు లక్కీగా మారిన బ్యూటీ..!

లోకనాయకుడు కమల్ హాసన్ గారాలపట్టి శృతి హాసన్ 'అనగనగా ఓ ధీరుడు' సినిమాతో టాలీవుడ్ లో అడుగుపెట్టింది. 'ఓ మై ఫ్రెండ్' 'బలుపు' 'ఎవడు' 'గబ్బర్ సింగ్' 'రేసుగుర్రం' 'శ్రీమంతుడు' 'ప్రేమమ్' సినిమాలతో మంచి విజయాలను అందుకుంది. అయితే కెరీర్ స్టార్టింగ్ లో ప్లాప్ హీరోయిన్ గా ముద్ర పడిన శృతి హాసన్.. మూడేళ్ల గ్యాప్ తర్వాత 'గబ్బర్ సింగ్' సినిమాతో ఫస్ట్ బ్లాక్ బస్టర్ హిట్ చూసింది. అందులో పవన్ కళ్యాణ్ పోలీస్ ఆఫీసర్ గా నటించాడు. అప్పటి వరకు ప్లాపులో ఉన్న పవన్ కి ఈ సినిమా కెరీర్ బెస్ట్ గా నిలిచింది. అదే క్రమంలో ఇప్పుడు మళ్లీ మూడేళ్ళ గ్యాప్ తర్వాత పోలీస్ ఆఫీసర్ గా నటించిన మాస్ మహారాజ్ రవితేజకు హిట్ ఇచ్చింది శృతి.

రవితేజ నటించిన యాక్షన్ ఎంటర్టైనర్ ఇటీవలే విడుదలై సూపర్ హిట్ టాక్ తో నడుస్తున్న సంగతి తెలిసిందే. ఇందులో రవితేజ పవర్ ఫుల్ పోలీస్ గా కనిపించాడు. పోలీస్ భార్యగా శృతి హాసన్ నటించింది. వరుసగా నాలుగు ప్లాప్ లను చూసిన రవితేజకు 'క్రాక్' హిట్ మళ్ళీ ట్రాక్ ఎక్కించినట్లైంది. ఈ విధంగా హీరో పోలీసులకు శృతి హాసన్ లక్కీ హీరోయిన్ గా మారింది. ఇంతకముందు తమిళ్ లో సూర్య హీరోగా నటించిన కాప్ డ్రామా 'సింగం 3'లో కూడా శృతి నటించింది. అలానే 'రేసుగుర్రం'లో స్పెషల్ పోలీస్ గా నటించిన అల్లు అర్జున్ సరసన కూడా మెరిసిన సంగతి తెలిసిందే.