రౌడీకి బెదిరి శాటిలైట్ కొన్నారా?

రౌడీ విజయ్‌ దేవరకొండ హీరోగానే కాదు నిర్మాత‌గానూ దూసుకొస్తున్న సంగ‌తి తెలిసిందే. అత‌డు కింగ్ ఆఫ్‌ ద హిల్‌ ఎంటర్‌టైన్ మెంట్‌ పతాకంపై రూపొందించిన‌ సినిమా 'మీకు మాత్రమే చెప్తా'. పెళ్లిచూపులు చిత్రంతో త‌న‌కు హీరోగా బ్రేక్ నిచ్చిన ద‌ర్శ‌కుడు త‌రుణ్ భాస్క‌ర్ ని హీరోని చేస్తూ రుణం తీర్చుకుంటున్నాడు. ష‌మ్మీర్ ఈ చిత్రానికి ద‌ర్శ‌క‌త్వం వ‌హిస్తున్నారు. త‌రుణ్ కోసం విజ‌య్ చేయాల్సిందంతా చేస్తున్నాడు. వైవిధ్య‌మైన గెట‌ప్పుల‌తో క్రేజు తెచ్చే ప్ర‌య‌త్నం చేస్తున్నాడు. తాను హీరోగా న‌టించే సినిమా కంటే ఎక్కువగా ప్ర‌మోట్ చేస్తున్నాడు.

ఇటీవ‌లే 'నువ్వే హీరో' అనే పాట లిరికల్‌ వీడియోను విజ‌య్ ఫాన్స్‌ చేతుల మీదుగా విడుదల చేశారు. ఇటీవ‌లే ప్ర‌మోష‌న‌ల్ సాంగ్ ని రిలీజ్ చేసి హైప్ తెచ్చారు. శివ సంగీతం అందించిన ఈ మూవీ ఆడియో రైట్స్ ని ఆదిత్య మ్యూజిక్ సంస్థ చేజిక్కించుకుంది. నవంబర్ 1న సినిమా విడుదల అవుతుంది. తాజా స‌మాచారం ప్ర‌కారం ఈ సినిమా ప్ర‌మోష‌న‌ల్ సాంగ్ రిలీజ్ త‌ర్వాత శాటిలైట్ రైట్స్ కి గిరాకీ ప‌లికింద‌ట‌. ప్ర‌ఖ్యాత స్టార్ మా చానెల్ స‌ర‌స‌మైన ధ‌ర‌కు రైట్స్ ని చేజిక్కించుకుంద‌ని తెలుస్తోంది. ఇంత‌కుముందే సునీల్ నారంగ్ కి చెందిన‌ గ్లోబల్ సినిమాస్ పంపిణీ హక్కులను సొంతం చేసుకుంది. ఈలోగానే శాటిలైట్ బిజినెస్ పూర్త‌యింది. త‌దుప‌రి డ‌బ్బింగ్ రైట్స్.. హిందీ రైట్స్ .. డిజిట‌ల్ రైట్స్ అంటూ హ‌డావుడి ఉంటుంద‌న‌డంలో సందేహం లేదు.

తరుణ్‌ భాస్కర్‌- అనసూయ భరద్వాజ్‌- అభినవ్‌ గౌతమ్‌- పావని గంగిరెడ్డి- నవీన్‌ జార్జ్‌ థామస్‌- వాణి భోజన్‌- అవంతిక తదితరులు నటించారు. లైన్‌ ప్రొడ్యూసర్‌: విజరు మట్టపల్లి.. ఎక్జిక్యూటివ్‌ నిర్మాత: అనురాగ్‌ పర్వతినేని. ఈ క్విర్కీ కామెడీ చిత్రాన్ని షమ్మీర్ సుల్తాన్ -విజయ్ దేవరకొండ- వర్ధన్ దేవరకొండ నిర్మించారు