టైగర్ తో లోఫర్ బ్యూటీ రచ్చ..

లోఫర్ మూవీతో టాలీవుడ్ ప్రేక్షకులను ఆకట్టుకునేందుకు దిశా పటానీ బాగానే ట్రై చేసింది. అయితే తొలి మూవీ తేడా కొట్టేయడంతో.. మళ్లీ ఎవరూ ఛాన్స్ ఇవ్వలేదు. దీంతో తన ట్రయల్స్ అన్నీ ఇక బాలీవుడ్ లోనే అని ఫిక్స్ అయిపోయి ముంబై ఫ్లైట్ ఎక్కేయగా.. అక్కడ మంచితోడే దొరికిందని టాక్. టైగర్ ష్రాఫ్ ని దిశా పటానీ పటాయించేసిందనే గుసగుసలు గట్టిగానే వినిపిస్తున్నాయి.

ఇది నిజమో కాదో ఇంకా తెలీదు కానీ.. ఇప్పుడీ కుర్ర హీరోతో కలిసి ఓ హాట్ సాంగ్ లో కనిపించేసింది. మీట్ బ్రదర్స్ అందించిన మ్యూజిక్ వీడియో బేఫిక్రా లో ఈ జంట మెరిసింది. కంప్లీట్ గా పారిస్ వీధుల్లో తీసిన ఈ వీడియో సాంగ్ కు మంచి రెస్పాన్స్ వస్తోంది. చెరో ప్రమాదంలో పాస్ పోర్ట్ డబ్బులు పోగొట్టుకోగా. అక్కడి నుంచి తినడానికి, దొంగతనాలకు.. పోలీసులనుంచి తప్పించుకోడానికి.. ఇలా కలిసి కష్టపడుతూ ఉంటారు. ఇది సాంగ్ కాన్సెప్ట్ కానీ.. ఈ పాటలో దిశా పటానీ డ్రెసింగ్ హాట్ టాపిక్ అవుతోంది. పొట్టి పొట్టి బట్టలేసుకుని బాగానే వయ్యారాలను చూపించింది.

పైగా టైగర్ తో కలిసి రొమాంటిక్ సీన్స్ లోను ఇంటిమేట్ సన్నివేశాల్లోనూ రెచ్చిపోయింది దిశా. ఈ కెమిస్ట్రీ చూస్తే ఆఫ్ స్క్రీన్ లో కూడా వీరికి బోలెడంత అనుబంధం ఉందనే టాక్ కు బలం వచ్చేసింది. అయితే అందంగా కనిపించడం, అందాలను చూపించడంలో సక్సస్ అయినా.. యాక్టింగ్ డ్యాన్సింగ్ విషయంలో మాత్రం పెద్దగా ఇంప్రెస్ చేయలేకపోయింది.