అమెరికా కొండపైన కొత్తజంట

బెల్లంకొండ సాయి శ్రీనివాస్ సినిమాలంటేనే భారీ బడ్జెట్ తో... రిచ్ లుక్ తో తెరకెక్కుతుంటాయి. దానికితోడు హీరోయిన్లను కూడా టాప్ పొజిషన్ లో ఉన్నవాళ్లను ఏరికోరి సెలక్ట్ చేసుకుంటాడు. మొదటి సినిమా అల్లుడు శీను నుంచి మధ్యలో స్పీడున్నోడు మినహా ఇదే ట్రెండ్ ఫాలో అవుతున్నాడు.

తాజాగా బెల్లంకొండ శ్రీనివాస్ హీరోగా సాక్ష్యం సినిమా వస్తోంది. దువ్వాడ జగన్నాథమ్ తో బికినీ సోకులతో టాలీవుడ్ లో అందరి గుండెల్లో సెగలు రేపి ఒక్కసారిగా లైమ్ లైట్ లోకి వచ్చిన పూజా హెగ్డే ఇందులో హీరోయిన్ గా నటిస్తోంది. ఈ సినిమాలో పాటలు కూడా ఓ రేంజిలో ఉండేలా ప్లాన్ చేస్తున్నారు. రీసెంట్ గా ఈ మూవీ యూనిట్ అమెరికా షెడ్యూల్ కోసం వెళ్లింది. యూఎస్ లోని అరిజోనాలో ఓ ఎత్తయిన కొండపై డ్యూయట్ పిక్చరైజ్ చేశారు.

కొండ అంచున హీరో బిగికౌగిలిలో ఉన్నప్పటి షూటింగ్ స్పాట్ ఫొటోను స్వయంగా హీరోయిన్ పూజా హెగ్డేయే సోషల్ మీడియాలో షేర్ చేసింది. ఈ ఫొటోను బట్టే ఈ పాట ఏ రేంజిలో తీశారనేది అర్ధమైపోతుంది. శ్రీవాస్ డైరెక్షన్ లో సాక్ష్యం మూవీ తెరకెక్కుతోంది.