బెల్లంకొండ బాబు అస్సలు తగ్గడుగా..!

మొదటి సినిమా 'RX100' తో సంచలన విజయం సాధించిన దర్శకుడు అజయ్ భూపతి తన రెండవ సినిమాను యువ హీరో బెల్లంకొండ శ్రీనివాస్ తో చేసేందుకు రెడీ అవుతున్నాడు. ఇప్పటికే ఈ సినిమాకు జోరుగా ప్రీ ప్రొడక్షన్ జరుగుతోంది. శ్రీనివాస్ అన్ని సినిమాలలాగే ఈ సినిమాలో కూడా స్టార్ హీరోయిన్ ను తీసుకునే ప్లాన్ లో ఉన్నారట.

ఈ సినిమాలో హీరోయిన్ గా నటించేందుకు రకుల్ ప్రీత్ రెడీగా ఉందని.. ఈ విషయం తెలిపేందుకు హీరోయిన్ ఆఫర్ ను చేజిక్కించుకునేందుకు హీరోను కూడా సంప్రదించిందని కూడా వార్తలు వచ్చాయి. రకుల్ ప్రీత్ సంగతి తేలేలోపు మరో హీరోయిన్ రాశి ఖన్నాను తీసుకునే దిశగా నిర్మాతలు ప్రయత్నాలు చేస్తున్నారని అన్నారు. కానీ ఇప్పుడు ఇవంతా తూచ్.. అంట. లేటెస్ట్ అప్డేట్ ప్రకారం ఈ సినిమాలో హీరోయిన్ గా సమంతాను తీసుకునే ప్రయత్నాల్లో ఉన్నారట.

శ్రీనివాస్ డెబ్యూ సినిమా 'అల్లుడు శీను' లో సమంతా హీరోయిన్ గా నటించింది. ఇప్పటికే ఒకసారి శ్రీనివాస్ సినిమాలో నటించింది కాబట్టి మరోసారి శ్రీనివాస్ తో జోడీ కట్టేందుకు సామ్ కు అభ్యంతరం ఉండకపోవచ్చు. మరోవైపు రకుల్ ప్రీత్ సింగ్ ను మాత్రం స్పెషల్ సాంగ్ కోసం తీసుకోవాలని ప్లాన్ చేస్తున్నారట. అంతా అనుకున్నట్టు జరిగితే సమంతా మెయిన్ లీడ్. రకుల్ ఐటెం గర్ల్ అన్నమాట. ఈ విషయం కరెక్టో కాదో తెలియాలంటే అధికారిక ప్రకటన వచ్చేవరకూ వేచి చూడక తప్పదు.