ఆ రోజున సాక్ష్యం చెబుతాడా?

బెల్లంకొండ సాయి శ్రీనివాస్ హీరోలంటేనే టాప్ హీరోయిన్లు.. భారీ బడ్జెట్ తోనూ ఉంటాయి. తన కెరీర్ లో ఒక్క స్పీడున్నోడు తప్ప మిగతావన్నీ దాదాపుగా ఇదేవిధంగా తెరకెక్కాయి. తాజాగా చేస్తున్న సాక్ష్యం కూడా భారీ బడ్జెట్ చిత్రమే. దువ్వాడ జగన్నాథమ్ తో ఒక్కసారిగా క్రేజీ హీరోయిన్ గా మారిపోయిన పూజా హెగ్డే ఇందులో హీరోయిన్.

సాక్ష్యం మూవీ జూన్ 14న థియేటర్లలో రిలీజ్ కావాల్సి ఉంది. రిలీజ్ టైం దగ్గర పడుతున్నా ఈ సినిమాకు సంబంధించి వర్క్ భారీగానే పెండింగ్ లో ఉందని తెలుస్తోంది. ముఖ్యంగా క్లయిమాక్స్ కు సంబంధించి కీలకమైన వర్క్ పూర్తి చేయాల్సి ఉందనేది లేటెస్ట్ టాక్. బెల్లంకొండ శ్రీనివాస్ సినిమాల్లో క్లయిమాక్స్ ఫైట్ కోసం భారీగానే ఖర్చు చేస్తుంటాడు. ఈ సినిమాలో అలాంటి క్లయిమాక్స్ ఫైట్లు అయిదు తెరకెక్కించారట. పంచభూతాల నేపథ్యంలో క్లయిమాక్స్ అలా ఉంటుందని తెలుస్తోంది. ఐదు పైట్లు అనేసరికి లెంగ్త్ బాగా ఎక్కువైపోయింది.

దీంతో ఈ సినిమా టీం మొత్తం ఈ లెంగ్త్ తగ్గించే పనిలో పడింది. గ్రాఫిక్ వర్క్ కూడా ఇంకా పూర్తి కాలేదనే తెలుస్తోంది. ఫైట్ సీన్స్ ఎడిటింగ్ అంటే స్టంట్ మాస్టర్ పీటర్ హెయిన్స్ అందుబాటులోకి రావాలి. ఆ తరవాతే లెంగ్త్ ఏ మేరకు తగ్గించగలరో క్లారిటీ వస్తుంది. మరోవైపు టైం చూస్తే గట్టిగా ఇరవై రోజులకు మించి లేదు. మరి ఈ లెక్కన అనుకున్న టైంకు సాయి శ్రీనివాస్ థియేటర్లలో తన సాక్ష్యం చెప్పగలుగుతాడా.. లేదా? వెయిట్ అండ్ సీ