ట్రైలర్ టాక్: డోస్ పెంచేసిన బెల్లంకొండ

అరంగేట్ర మూవీ అల్లుడు శీనుతోనే హిట్ కొట్టాడు బెల్లంకొండ శ్రీనివాస్. బడ్జెట్ ప్రకారం చూస్తే ఆ మూవీ కాస్ట్ ఫెయిల్యూర్ కావచ్చు కానీ, ఓ కొత్త హీరోకి మాత్రం ఇది చాలా పెద్ద హిట్టే అనాలి. ఇప్పుడు రెండో మూవీ విషయంలోనూ చాలా కేర్ ఫుల్ గా ఎన్నో ఎటెంప్ట్స్ తర్వాత, ఓ రీమేక్ ని థియేటర్లలోకి తెస్తున్నాడు ఈ కుర్ర హీరో.

కోలీవుడ్ మూవీ సుందరపాండియన్ కి రీమేక్ గా తెరకెక్కింది 'స్పీడున్నోడు'. లేటెస్ట్ గా లాంఛ్ అయిన థియేట్రికల్ చాలా పవర్ఫుల్ గా కట్ చేశారని అనిపించడం ఖాయం. ముఖ్యంగా ఈ కుర్రాడిని డైరెక్టర్ భీమినేని మరోసారి మాస్ గానే చూపించబోతున్నాడు. అవడానికి కామెడీ లీడ్ గా నడిచే సబ్జెక్ట్ అనిపిస్తున్నా, యాక్షన్, గ్లామర్ డోసులు మాత్రం బాగానే ఉన్నాయి. హీరోయిన్ సోనారికా భడోరియా ఓ రేంజ్ అయితే.. బ్యాచిలర్ బాబూ అంటూ గంతులేసిన మిల్కీ బ్యూటీ తమన్నా మరొక ఎత్తు.

కేరక్టర్ ఆర్టిస్టులు కూడా కుప్పలుతెప్పలుగా ఉండడంతో, ఎమోషన్స్ క్యారీ చేయడం అంత కష్టమేం కాదనిపిస్తోంది. అయితే, పంచ్ డైలాగులో కాస్త శృతి మించినట్లుగా ఉంది. ఏజ్ ట్వంటీ టూ, స్పీడ్ వన్ ట్వంటీ లాంటివి కొంచెం ఎక్కువే. అలాగే ఒకరిని ఒకరు చెంపదెబ్బలు కొట్టుకునే సీన్స్ ని అయితే, ట్రైలర్ లోనే బోలెడన్ని తగిలించారు. ఏ రకంగా చూసినా.. స్పీడున్నోడు అంటూ అన్నింటిలోనూ డోస్ ఎక్కువగానే చూపించాడు బెల్లంకొండ శ్రీనివాస్.