టైగర్ కి ట్రీట్ మెంట్ చేస్తున్నారా?

మాస్ మహరాజా రవితేజ నటించిన బెంగాల్ టైగర్ రిలీజ్ మూడు వారాలు వెనక్కెళ్లింది. అన్నీ అయిపోయాయి.. రెడీ టు రిలీజ్.. వచ్చే వారమే థియేటర్లలో రిలీజ్ ఖాయం అనుకుంటున్న టైంలో.. 3వారాలపాటు పోస్ట్ పోన్ చేస్తున్నట్లు ప్రకటించింది బెంగాల్ టైగర్ యూనిట్. ఇదీ కారణం అంటూ ఫిలిం యూనిట్ ఏ విషయాన్నీ చెప్పకపోయినా.. హీరో రవితేజ అంచనాలకు తగినట్లుగా లేకపోవడమే అసలు కారణం అని తెలుస్తోంది.

రచ్చ ఫేం సంపత్ నంది డైరెక్ట్ చేసిన బెంగాల్ టైగర్ కి.. రిపేర్లు - ట్రీట్ మెంట్లు చాలానే చేస్తున్నారట. కొన్ని సన్నివేశాలను రీషూట్ చేయాలని కూడా నిర్ణయించారని టాక్. అందుకే వాయిదా పడిందని ఇండస్ట్రీలో స్ట్రాంగ్ ఒపీనియన్. అయితే.. వాయిదాకు కారణగా మరో టాక్ కూడా వినిపిస్తోంది. నవంబర్ 11న రిలీజ్ కానున్న అఖిల్ కోసం.. కావాలనే పోస్ట్ పోన్ చేశారు అనుకుంటున్నారు.

అయితే.. అఖిల్ కోసం బెంగాల్ టైగర్ వాయిదా పడ్డం అన్నది అసంభవం అని చెప్పాలి. రెండింటి మధ్యా వారం గ్యాప్ ఉండగా.. రెండోవారం కూడా వెయ్యికిపైగా థియేటర్లలో రవితేజ సినిమా ప్రదర్శించడం జరగదు. రీసెంట్ గా రిలీజ్ అయిన కిక్ 2కు... తెలుగు రాష్ట్రాల వరకు ఇచ్చింది 700 థియేటర్లే. రెండోవారం ఈ సంఖ్య సగంకూడా ఉండదన్న విషయం అందరికీ తెలిసిందే. అందుకే కచ్చితంగా టైగర్ కి ట్రీట్ మెంట్ ఇవ్వడానికే ఇలా వాయిదా వేశారని అంటున్నారు టాలీవుడ్ జనాలు.