బెస్ట్ సెల్లర్ ట్రైలర్: ఉత్కంఠ పెంచే థ్రిల్లింగ్ సిరీస్

పిట్ట‌క‌థ‌లు త‌ర్వాత‌ శృతి హాసన్ వ‌రుస‌గా వెబ్ సిరీస్ ల‌కు సంత‌కాలు చేస్తోంది. ఇప్పుడు `బెస్ట్ సెల్లర్` వెబ్ సిరీస్ తో హిందీ రంగంలోకి అడుగుపెట్టింది. తాజాగా ఫీచర్ ట్రైలర్ విడుద‌లైంది. ఇది అద్భుత‌మైన‌ కథనంతో కూడిన థ్రిల్లర్ అని అర్థ‌మ‌వుతోంది. ప్ర‌తి క‌థ‌కు అంద‌మైన ముగింపు ఉంటుంద‌న్న థీమ్ బావుంది.

ట్రైల‌ర్ ని ప‌రిశీలిస్తే థ్రిల్లింగ్ ఎలిమెంట్స్ ఎన్నో. ఇందులో పాత్ర‌లు ఆస‌క్తిక‌రం. రియ‌ల్ లైఫ్ ఘ‌ట‌న‌ల‌తో న‌వ‌ల‌లు రాయ‌డం వాటిని థ్రిల్లింగ్ సిరీస్ లుగా మ‌ల‌చ‌డం ఆస‌క్తిని క‌లిగించ‌కుండా ఉంటుందా..! ట్రైల‌ర్ ఎంతో ఆస‌క్తిక‌రంగా సాగింది. నటుడు అర్జన్ బజ్వా (సంపంగి హీరో) ప్రసిద్ధ నవలా రచయిత అయినప్పటికీ చేతన్ భగత్ లాగా మారాలని కోరుకుంటాడు.

అర్జాబ్ తాహిర్ వజీర్ అతను విపరీతమైన అభిమాని అయిన మీటూ మాధుర్ (శ్రుతి)ని కలుస్తాడు. తాహిర్ తన తదుపరి నవల కోసం ఒక ఆలోచన కోసం వెతుకుతున్నప్పుడు.. అతను మీటూ చేతులపై ఉన్న మచ్చలను గమనించి ఒక నవలని అభివృద్ధి చేస్తాడు. అనుకోకుండా తాహిర్ గుర్తు తెలియని వ్యక్తిచే ట్రోలింగుకి గుర‌వుతాడు. దుర్మార్గుడు తాహిర్ ను వెంటాడి మీటూపై దాడి చేస్తాడు. ఈ ఎపిసోడ్ ని పరిశోధించడానికి నటుడు మిథున్ చక్రవర్తి ఏసీపీ గా సీన్ లోకి ప్రవేశించారు. ఇక్కడి నుండి ట్రైలర్ ఒక రసాభాసగా సాగుతుంది. అర్జన్ పాత్ర ఇంటెన్సిటీతో నిండి ఉంది,. శ్రుతి పాత్ర అమాయకంగా ఉంటుంది. కానీ రహస్యమైన పంచ్ ఉంది. ఇది రిజర్వ్ చేయబడిన పాత్ర. ఆస‌క్తి క‌లిగిస్తుంది.

ఓవ‌రాల్ గా బెస్ట్ సెల్లర్ ట్రైలర్ కట్టిపడేయడానికి తగిన మలుపులు సస్పెన్స్ ఎలిమెంట్స్ ని క‌లిగి ఉంది. ఎనిమిది ఎపిసోడ్ ల‌ వెబ్-సిరీస్ ముకుల్ అభ్యంకర్ దర్శకత్వం వహించారు. ఫిబ్రవరి 18 నుండి అమెజాన్ ప్రైమ్ లో ప్రసారం కానుంది.