అనుష్కతో ఆ హారర్ మూవీ సీక్వెల్ ప్లాన్ చేస్తున్నారా..?

దక్షిణాది అగ్ర కథానాయిక అనుష్క ప్రధాన పాత్రలో తెరకెక్కిన హారర్ సినిమా 'భాగమతి' బ్లాక్ బస్టర్ సక్సెస్ అందుకున్న సంగతి తెలిసిందే. జి. అశోక్ దర్శకత్వం వహించిన ఈ ద్విభాషా చిత్రాన్ని యూవీ క్రియేష‌న్స్ సంస్థ నిర్మించింది. యూవీ టీమ్ తీసిన మీడియం బడ్జెట్ సినిమాల్లో మంచి లాభాలు తెచ్చిపెట్టిన చిత్రంగా 'భాగమతి' నిలిచింది. అందుకే ఇప్పుడు అనుష్క శెట్టితో 'భాగ‌మతి 2' చిత్రాన్ని రూపొందించడానికి యూవీ బృందం స‌న్నాహాలు చేస్తున్నారని ఫిలిం సర్కిల్స్ లో టాక్ నడుస్తోంది.

గతేడాది 'నిశ్శబ్దం' సినిమాతో ప్రేక్షకులను పలకరించిన అనుష్క.. ఆల్రెడీ యూవీ క్రియేషన్స్ బ్యానర్ లో ఓ సినిమా చేస్తోందని సమాచారం. అయితే దీని త‌రువాత స్వీటీ లీడ్ రోల్ లో ''భాగ‌మ‌తి 2'' ని యూవీ వారు సెట్స్ మీద‌కు తీసువ‌చ్చే అవ‌కాశాలు ఉన్నాయ‌ని టాక్ వినిపిస్తోంది. ప్రస్తుతం భారీ బడ్జెట్ సినిమాలతో పాటు మీడియం సినిమాలు కూడా తీస్తూ వస్తున్న యూవీ టీమ్.. 'భాగమతి 2' సినిమా చేస్తారో లేదో తెలియాలంటే అధికారిక ప్రకటన వచ్చే వరకు ఆగాల్సిందే.

ఇదిలావుండగా ఇప్పుడు అనుష్క శెట్టి ఫుల్ డైట్ లో ఉందని తెలుస్తోంది. స్లిమ్ లుక్ తో మ‌ళ్లీ ఆడియెన్స్ మ‌న‌సు దోచేయాల‌ని అనుష్క తెగ క‌స‌ర‌త్తులు చేస్తుంద‌ని సన్నిహిత వర్గాలు చెబుతున్నాయి. ఏదేమైనా 'బాహుబలి'తో వచ్చిన క్రేజ్ ని దృష్టిలో పెట్టుకొని అనుష్క సెలెక్టివ్ గా సినిమాలు చేస్తూ వస్తోందని చెప్పవచ్చు. ఈ నేపథ్యంలో అనుష్క చాలా గ్యాప్ తర్వాత నటించిన 'నిశ్శ‌బ్దం' సినిమా అనుష్కకు పేరు తెచ్చిపెట్టినప్పటికీ, హిట్ లిస్టులో జాయిన్ అవలేదు. అందుకే ఈసారి ఎలాగైనా సక్సెస్ అందుకోవాలని చూస్తున్న అనుష్క.. తదుపరి ప్రాజెక్ట్స్ విషయంలో మరిన్ని జాగ్రత్తలు తీసుకుంటోందని తెలుస్తోంది.