భాగమతి కోసం గ్లామర్ కూడానా??

2018లో మొదటి బాక్స్ ఆఫీస్ హిట్ ను ఎవరు అందుకుంటారు అనే ప్రశ్నకు ప్రతి ఒక్కరు అనుష్క అనే సమాధానం చెబుతున్నారు. అరుంధతి తరువాత స్వీటీ ఆ స్థాయిలో భాగమతి అనే సినిమా ద్వారా రాబోతోంది. ప్రేక్షకులతో పాటు సినీ ప్రముఖులు కూడా సినిమా కోసం చాలా ఆసక్తిగా ఎదురుచూస్తున్నారు. సరికొత్త థ్రిల్ ఎవరు మిస్ కాకూడదని చిత్ర యూనిట్ ప్రమోషన్స్ ని కూడా బాగానే నడిపిస్తోంది.

ముఖ్యంగా సోషల్ మీడియా ద్వారా సినిమాకు సంబందించిన ప్రోమోలను రిలీజ్ చేస్తూ సినిమాపై రోజు రోజుకి అంచనాలను హై రేంజ్ లో పెంచేస్తున్నారు. ఇప్పటికే ట్రైలర్ సాంగ్స్ కి మంచి స్పందన వచ్చింది. ఇక లేటెస్ట్ గా మరొక సరికొత్త ప్రమోషనల్ సాంగ్ ని రిలీజ్ చేశారు. కొంచెం ఘాటుగా గ్లామర్ టచ్ ని జోడించి స్పెషల్ భామతో అనుష్క చేత చేయించిన ఆ సాంగ్ నెటిజన్స్ ని ఆకట్టుకుంటోంది. ఓ వర్గం ప్రేక్షకులను ఈ సాంగ్ సినిమా థియేటర్స్ వరకు తీసుకువచ్చేలా ఉంది.

ఎక్కువగా గ్లామర్ డోస్ కనిపిస్తోంది. అనుష్క సరికొత్త లుక్స్ తో పాటు బిహైండ్ ది సీన్స్ అలాగే సెట్స్ వీడియోలో ఉన్నాయి. అలాగే థమన్ మ్యూజిక్ కూడా చాలా బావుంది. రెగ్యులర్ గా కాకుండా కొంచెం కొత్తగా ట్రై చేసినట్లు అర్ధమవుతోంది. సినిమా తప్పకుండా విజయాన్ని సాదిస్తుందని చిత్ర యూనిట్ నమ్మకంతో ఉంది. అనుష్క కెరీర్లోనే అత్యధిక థియేటర్స్ లో ఈ సినిమా జనవరి 26న రిలీజ్ కానుంది. యూవీ క్రియేషన్స్ నిర్మించిన ఈ సినిమాకు జి.అశోక్ దర్శకత్వం వహించిన సంగతి తెలిసిందే.