ట్రైలర్ టాక్‌: భాగమతి అడ్డా...లెక్కలు తేలాలి

అనుష్క హీరోగా.. పిల్లజమిందార్ ఫేం అశోక్ డైరక్షన్లో చాన్నాళ్ళ నుండి ప్రొడక్షన్లో ఉన్న చిత్రం ''భాగమతి''. అసలు ఈ సినిమా కథాంశం ఏంటనేది ఒక మిస్టరీగా మారిన వేళ.. మొన్నామధ్యన ఒక టీజర్ ను రిలీజ్ చేసి షాకిచ్చారు యువి క్రియేషన్స్ వారు. ఇక సినిమా జనవరి 26న రిలీజుకు ముస్తాబవుతుండటంతో ఇప్పుడు ట్రైలర్ ను కూడా రిలీజ్ చేశారు. పదండి ఎలా ఉందో చూద్దాం.

ఒక సాధారణం ఐఏస్ ఆఫీసర్ అయిన అనుష్క.. కలక్టర్ హోదాలో ఒక గ్రామానికి మంచి పనులు చేయాలని అనుకుంటుంది. అయితే ఆమెను అడ్డుతొలగించి జైలు పాలు చేస్తారు కొందరు. అక్కడి నుండి ఆమెను ఇంకా వంచించడానికి ఒక బంగ్లాకు తీసుకెళ్ళి పాడేస్తారు. అయితే దెయ్యాలు కూడా రావడానికి భయపడే ఆ బంగ్లాకు ఐఏస్ చంచలను తీసుకురావడం ఒక వివాదంగా మారుతున్న వేళ.. అసలు అక్కడ ఏం జరుగుతుంది అనేది చాలా డిఫరెంట్ గా క్రియేట్ చేశాడు అశోక్. ఇకపోతే అక్కడ నిజంగానే పాత యుగానికి చెందిన ఒక భాగమతి ఉంటుందనేది ట్రైలర్ చూస్తే తెలుస్తోంది. ''ఎవడు పడితే వాడు వచ్చి వెళ్ళడానికి ఇది పశువుల కొట్టం కాదు.. భాగమతి అడ్డా. లెక్కలు తేలాలి. ఒక్కడినీ పోనివ్వను'' అంటూ అనుష్క ఆ సెకండ్ క్యారక్టర్ లో భాగమతి గెటప్ లో డైలాగులు చెబుతుంటే.. వావ్ అని అనిపించేసింది.

సినిమాలో థ్రిల్లర్ మరియు సస్పెన్స్ ఎలిమెంట్లు గట్టిగా ఉన్నాయని ఈ ట్రైలర్ చెప్పకనే చెబుతోంది. ముఖ్యంగా అనుష్క లుక్ అండ్ యాక్టింగ్ హైలైట్. అలాగే సినిమాటోగ్రాఫి కూడా బాగుంది. ఇక తమన్ మరోసారి బ్యాగ్రౌండ్ స్కోర్ విషయంలో విజృంభించాడు. కాకపోతే ఆ లవ్ స్టోరీ కోసం ఉన్ని ముకుందన్ ను కాకుండా ఎవరన్నా తెలుగు హీరోను పెట్టుకుని ఉంటే బాగుండేది అనే మాట చెప్పొచ్చు. ఓవరాల్ గా అనుష్క మరో హిట్టు కొట్టేశేలా కనిపిస్తోంది. జనవరి 26న భాగమతి రిలీజ్ అవ్వనున్న సంగతి తెలిసిందే.