ట్రైల‌ర్ టాక్: ఆశ డ‌బ్బు కంటే స్ర్టాంగ్ ఎమోష‌న్

యంగ్ హీరో శ్రీవిష్ణు కెరీర్ జ‌ర్నీ గురించి చెప్పాల్సిన ప‌నిలేదు. డిఫ‌రెంట్ కంటెంట్ చిత్రాల‌తో ప్రేక్ష‌కుల్ని మెప్పించ‌డం యంగ్ హీరో ప్ర‌త్యేక‌త‌. క‌మ‌ర్శియ‌ల్ గా సినిమా సంగ‌తి ప‌క్క‌నబెడితే డిఫ‌రెంట్ అటెంప్ట్ లు చేయ‌డంలో ఏమాత్రం వెన‌క‌డుగు వేయ‌డు. క‌థ‌లో కొత్త‌దానికి యంగ్ హీరో ఇచ్చే ప్రాధాన్య‌త ఇంట్రెస్టింగ్ గా అనిపిస్తుంది. తాజాగా `భ‌ళాతంద‌నాన` అనే స‌స్పెన్స్ యాక్ష‌న్ థ్రిల్ల‌ర్ లో న‌టిస్తోన్న సంగ‌తి తెలిసిందే. టీజ‌ర్ తోనే ఇంటెన్స్ ఫిల్మ్ అని చెప్పేసారు. టీజ‌ర్ లో ప్ర‌తీ డైలాగ్ హైలైట్ చేసారు.

తొలి టీజ‌ర్ తోనే సినిమాపై బ‌జ్ తీసుకురావ‌డంలో నూరుశాతం స‌క్సెస్ అయ్యారు మేక‌ర్స్. తాజాగా ఈసారి ట్రైల‌ర్ తో మ‌రోసారి మేజిక్ చేసాడు. ట్రైల‌ర్ ఆద్యంతం టీజ‌ర్ ని మించి క‌నిపిస్తుంది. శ్రీ విష్ణు వాయిస్ ఓవ‌ర్ తో ట్రైల‌ర్ ప్రారంభం అవుతుంది. త‌న పేరు శ‌శిరేఖ‌. ఇన్వ‌స్టిగేటివ్ జ‌ర్న‌లిస్ట్. త‌న‌దో అంద‌మైన ప్ర‌పంచం. కానీ ఎప్పుడూ ప్ర‌మాద‌మైన కేసుల చుట్టూ తిరుగుతూ ఉంటుంది.

జ‌ర్న‌లిస్ట గా ఎన్నో స్టోరీలు క‌వ‌ర్ చేసింది. ఎన్నో నిజాలు బ‌య‌ట పెట్టింది. కానీ ఇప్పుడు త‌ను ఫాలో అవుతోన్న హ‌వాలా స్టోరీ నా క‌థ అయిపోయింది. ఆ 2000 కోట్ల నిజం నా జీవితం అయిపోయింది. ఆశ డబ్బు కంటే చాలా స్ర్టాంగ్ ఎమోష‌న్ అంటూ ట్రైల‌ర్ ని ముగించారు. డ‌బ్బు క‌న్నా ఆశ చాలా ప్ర‌మాద‌మైన‌దిగా ట్రైల‌ర్ లో హైలైట్ చేసారు.

ట్రైల‌ర్ లో ప్ర‌తీ షాట్ ఇంటెన్స్ గా ఉంది. క్రైమ్..మ‌నీ..ఎమోష‌న్ చుట్టూ తిరిగే క‌థ ఇది. ట్రైల‌ర్ లో స‌రికొత్త శ్రీ విష్ణుని ప‌రిచ‌యం చేసారు. శ‌శిరేఖ‌గా క్యాథ‌రీన్ పాత్ర ఆస‌క్తిని రేకెత్తిస్తుంది. ఆమెకి ఈ పాత్ర మంచి గుర్తింపు ఖాయం. ట్రైల‌ర్ లో మ‌ణిశ‌ర్మ బీజీఎమ్ మ‌రో లెవ‌ల్ ఉంద‌ని చెప్పాలి. టీజ‌ర్ రిలీజ్ తోనే మ‌ణిమార్క్ ప‌డింది.

ఇక మేకింగ్ ప‌రంగా చైత‌న్య దంతులూరి మార్క్ స్ప‌ష్టంగా క‌నిపిస్తుంది. టీజ‌ర్..ట్ర‌ల‌ర్ తోనే ఇంత పాజిటివ్ బ‌జ్ తీసుకొచ్చిన చైత‌న్య ఫుల్ లెంగ్త్ లో ఏమేర స‌క్సెస్ అవుతార‌న్న‌ది చూద్దాం. ఈ సినిమాను వారాహి చలన చిత్రం పతాకంపై సాయి కొర్రపాటి నిర్మిస్తున్నారు. ఈనెల 6 న సినిమాను రిలీజ్ చేయనున్నారు.