అసలు ఈ భారతీసింగ్​ ఎవరు ?

బాలీవుడ్​లో డ్రగ్స్​కేసు తీవ్ర ప్రకంపనలు సృష్టిస్తున్నది. ఇప్పటికే పలువురు నటీమణులు ఈ కేసులో ఇరుక్కున్నారు. రియా చక్రవర్తి ఇప్పటికే జైల్లో ఉన్నారు. ప్రముఖ కమెడియన్ భారతీ సింగ్, ఆమె భర్త హర్ష్ లింబాచియా డ్రగ్స్​ కేసులో ఇరుక్కొన్నారు. భారతీసింగ్ ఇంట్లో, ప్రొడక్షన్ హౌస్‌లో జరిపిన తనిఖీల్లో 86.5 గ్రాముల గంజాయి పట్టుబడింది. అయితే ఈ కేసులో వాళ్లకు ఇప్పటికే బెయిల్ వచ్చింది. తాము గంజాయి తీసుకున్నట్టు వీళ్లిద్దరూ పోలీసుల ఎదుట అంగీకరించారట. దీంతో అసలు ఈ భారతీసింగ్​ ఎవరు ? ఆమె టీవీ ఇండస్ట్రీలోకి ఎలా అడుగుపెట్టారన్న విషయం దేశవ్యాప్తంగా చర్చనీయాంశం అయ్యింది. తాజాగా ఈ దంపతులకు ముంబై హైకోర్టు బెయిల్​ మంజూరు చేసింది.

'దగ్రేట్ ఇండియన్ లాఫ్టర్ చాలెంజ్', 'కామెడీ సర్కస్' తో ఆమె పాపులర్​ అయ్యారు. పంజాబ్​ రాష్ట్రానికి చెందిన భారతీసింగ్​ 12 ఏళ్లుగా టీవీరంగంలో ఉన్నారు. పేదకుటుంబంలో పుట్టిన భారతీసింగ్​ అంచెలంచెలుగా ఎదిగారు. చిన్నవయసులోనే ఆమె తండ్రి మరణించారు. తల్లి కుట్టుమిషన్​ కుట్టి కుటుంబాన్ని పోషించింది. ఈ విషయాన్ని పలు ఇంటర్వ్యూలలో భారతీ చెప్పి వేదన చెందారు. భారతీసింగ్​ కు విలువిద్యలో కూడా నైపుణ్యం ఉంది. కానీ కుటుంబపరిస్థితుల వల్ల ఆమె ఆ రంగంలో రాణించలేకపోయారు. భారతీ సింగ్ 'ద గ్రేట్ ఇండియన్ లాఫ్టర్ చాలెంజ్' రియాలిటీ షోతో తన కెరీర్ ప్రారంభించారు.

అయితే భారతీసింగ్ గతంలో డ్రగ్స్​ తీసుకోవద్దంటూ ఓ ట్వీట్​ చేశారు. ప్రస్తుతం ఆ ట్వీట్​ వైరల్​ గా మారింది. ఇదేంటీ భారతీ జీ..! అంటూ పలువురు నెటిజన్లు ఆమె పాత ట్వీట్​ను, ప్రస్తుత ఘటనను పోల్చుతూ ట్వీట్లు చేస్తున్నారు. మరోవైపు భారతీసింగ్​ ఓ పేదకుటుంబంనుంచి రావడంతో ఆమెకు అభిమానులు ఎక్కువగా ఉన్నారు. వారంతా భారతీ పై ప్రస్తుతం సానుభూతి చూపుతున్నారు. భారతీ భర్త హర్ష్​ లింబాచియా స్క్రిప్ట్​ రైటర్.ఆయన ఎన్నో కామెడీ స్కిట్లను రూపొందించారు. భారతీ సింగ్ అరెస్ట్​ కావడం దేశవ్యాప్తంగా సంచలంగా మారింది. ఎన్​సీబీ వాళ్లు పలుకుబడి ఉన్నవాళ్లన వదిలేసి.. భారతీసింగ్​ లాంటి వాళ్లను పట్టుకుంటున్నారన్న ఆరోపణలు వచ్చాయి.