భవదీయుడు పవన్‌ ఆ ఒక్క విషయంలో సస్పెన్స్‌

గబ్బర్ సింగ్ వంటి బిగ్గెస్ట్‌ బ్లాక్‌ బస్టర్ ను అందించిన పవన్ కళ్యాణ్.. హరీష్‌ శంకర్ ల కాంబోలో రాబోతున్న సినిమాకు సంబంధించిన ఒక్కో విషయం రివీల్‌ అవుతూ వస్తోంది. మొదట ఈ సినిమాకు దేవిశ్రీ ప్రసాద్ సంగీతాన్ని అందించబోతున్నట్లుగా ప్రకటించిన యూనిట్‌ సభ్యులు ఆ తర్వాత కాన్సెప్ట్ పోస్టర్ ను రిలీజ్ చేసి అందరి దృష్టిని ఆకర్షించారు. పవన్ బర్త్‌ డే సందర్బంగా సినిమా టైటిల్ ను రివీల్‌ చేయబోతున్నట్లుగా వార్తలు వచ్చాయి. కాని ఆ సమయంలో మరో కాన్సెప్ట్‌ పోస్టర్ ను మాత్రమే విడుదల చేశారు. దాంతో అభిమానులు హరీష్‌ శంకర్‌ పై కాస్త అసంతృప్తి వ్యక్తం చేశారు. అభిమానుల కోసమో లేదా మరేంటో కాని పవన్‌ కళ్యాణ్‌ లుక్‌ ను మరియు టైటిల్ ను రివీల్‌ చేస్తూ సస్పెన్స్ కు తెర దించాడు. భవదీయుడు భగత్‌ సింగ్ టైటిల్ తో అభిమానులకు మంచి కిక్‌ ఇచ్చిన దర్శకుడు హరీష్‌ శంకర్ ఒక విషయంలో మాత్రం సస్పెన్స్ ను కంటిన్యూ చేస్తున్నాడు.

మొన్నటి వరకు ఈ సినిమా కోసం హీరోయిన్‌ గా పూజా హెగ్డేను అనుకుంటున్నట్లుగా వార్తలు వచ్చాయి. టాలీవుడ్‌ లో పూజా హెగ్డే క్రేజ్ అంతగా పెరగడానికి కారణం డీజే సినిమా అనడంలో ఎలాంటి సందేహం లేదు. ఆమె కు స్టార్ డమ్‌ తెచ్చిపెట్టిన దర్శకుడు హరీష్‌ శంకర్‌ కనుక ఖచ్చితంగా ఆయన దర్శకత్వంలో మళ్లీ మళ్లీ నటించాలని భావించడం కామన్‌. ఇప్పుడు ఆమె చాలా బిజీ హీరోయిన్. అయినా కూడా ఆమె ఖచ్చితంగా అడిగితే భవదీయుడు భగత్ సింగ్ సినిమాలో నటించేందుకు ఓకే చెప్పే అవకాశాలు ఎక్కువగా ఉన్నాయి. కనుక ఆమె హీరోయిన్‌ గా నటించడం కన్ఫర్మ్‌ అనుకుంటూ ఉండగా మరో హీరోయిన్ పేరు కూడా ప్రచారంలోకి వచ్చింది. తాజాగా అందుతున్న సమాచారం ప్రకారం భవదీయుడి పక్కన రష్మిక మందన్నా ను కూడా పరిశీలిస్తున్నారు అంటున్నారు.

ప్రస్తుతం టాలీవుడ్‌ లో టాప్‌ తోపు హీరోయిన్స్ అంటే వెంటనే వినిపించే పేర్లు రష్మిక మందన్నా మరియు పూజా హెగ్డే. వీరిద్దరు కూడా పాన్ ఇండియా స్టార్ హీరోయిన్స్ గా దూసుకు పోతున్నారు. ఈ సమయంలో హీరోయిన్‌ లుగా వీరిద్దరు పోటీ పడి మరీ పెద్ద హీరోల సినిమాలకు కమిట్ అవుతున్నారు. ఇలాంటి సమయంలో వీరిద్దరిలో ఎవరిని భవదీయుడు కు హరీష్‌ శంకర్‌ ఎంపిక చేస్తాడు అనేది చర్చనీయాంశంగా మారింది. అన్ని వర్గాల ప్రేక్షకులను ఆకట్టుకునే మంచి ఎంటర్ టైనర్‌ కమ్‌ ఒక మంచి మెసేజ్‌ తో దర్శకుడు హరీష్‌ శంకర్‌ ఈ సినిమాను పవన్‌ కళ్యాణ్‌ తో చేయబోతున్నట్లుగా టాక్ వినిపస్తుంది.

పవన్ లుక్ మరియు కాన్సెప్ట్‌ మరియు బైక్ చూస్తుంటే చాలా స్టైలిష్ గా ఒక మంచి బ్యాక్ డ్రాప్‌ తో సినిమా ఉంటుందేమో అనిపిస్తుందని అభిమానులు ధీమా వ్యక్తం చేస్తున్నారు. మొత్తానికి ఈ సినిమా విషయంలో హీరోయిన్స్ విషయంలో సస్పెన్స్ కొనసాగుతుంది.. ఆ సస్పెన్స్ ను హరీష్‌ శంకర్‌ ఎప్పటికి క్లీయర్ చేస్తాడు అనేది చూడాలి. ఇక ఈ సినిమా చిత్రీకరణ అతి త్వరలోనే ఉంటుందని.. వచ్చే ఏడాదిలో సినిమాను విడుదల చేస్తారని సమాచారం అందుతోంది. మైత్రి మూవీ మేకర్స్ ఈ సినిమా ను ప్రతిష్టాత్మకంగా తీసుకుని నిర్మిస్తున్నారు.