`భీమ్లా నాయ‌క్` నుంచి స్పెష‌ల్ గ్లింప్స్ రెడీ

ప‌వ‌న్ క‌ల్యాణ్‌-రానా ప్ర‌ధాన పాత్ర‌ల్లో సాగ‌ర్ చంద్ర ద‌ర్శ‌క‌త్వంలో `భీమ్లా నాయ‌క్` తెర‌కెక్కుతున్న సంగ‌తి తెలిసిందే. మ‌ల‌యాళ సినిమా `అయ్య‌ప్పనుమ్ కోషియ‌మ్`కి రీమేక్ ఇది. త్రివిక్ర‌మ్ ప‌ర్య‌వేక్ష‌ణలో ఈ మూవీ తెర‌కెక్కుతోంది. మాతృక‌లో బిజు మీన‌న్ పోషించిన పాత్ర‌ను ప‌వ‌న్ క‌ళ్యాణ్ పోషిస్తున్నారు. పృథ్వీరాజ్ పాత్ర‌లో రానా న‌టిస్తున్నారు. ఇప్ప‌టికే కొద్ది భాగం షూటింగ్ పూర్త‌యింది. ప‌వ‌న్-రానా ల‌పై కీల‌క స‌న్నివేశాలు చిత్రీక‌రించారు. ఇందులో ప‌వ‌న్ భార్య పాత్ర‌లో నిత్యామీన‌న్ న‌టిస్తుండ‌గా.. రానా భార్య రోల్ లో సంయుక్త మీన‌న్ అవ‌కాశం ద‌క్కించుకుంది. రానా స‌ర‌స‌న నాయిక‌గా సంయుక్త అద‌ర‌గొడుతుంద‌ని గుస‌గుస‌లు వినిపిస్తున్నాయి.

భీమ్లా నాయ‌క్ సంక్రాంతి బ‌రిలో దిగుతున్న సంగ‌తి తెలిసిందే. భారీ కాంపిటీష‌న్ ఉన్నా త‌గ్గేదే లే! అంటూ భీమ్లా టీమ్ బ‌రిలో దిగిపోతున్నారు. ఇటీవ‌ల ప్ర‌చార వీడియోల‌కు చ‌క్క‌ని స్పంద‌న వ‌చ్చింది. భీమ్లా నాయ‌క్ పాట‌ల‌కు గొప్ప ప్ర‌శంస‌లు ద‌క్కుతున్నాయి. తాజాగా భీమ్లా నాయ‌క్ నుంచి ఎసెన్స్ ఆఫ్ భీమ్లానాయక్- అడ‌వి త‌ల్లి మాట‌..! పేరుతో స్పెష‌ల్ గ్లింప్స్ ని టీమ్ విడుద‌ల చేయ‌నుంది. డిసెంబ‌ర్ 1న 10.08 గం.ల‌కు ఈ వీడియోని విడుద‌ల చేయ‌నున్నారు. జ‌న‌వ‌రి 12న సంక్రాంతి కానుక‌గా ఈ సినిమాను విడుద‌ల చేస్తున్న సంగ‌తి తెలిసిందే.

ప‌వ‌న్ భీమ్లానాయ‌క్ తో పాటు హ‌రిహ‌ర వీర‌మ‌ల్లు పైనా దృష్టి సారించిన సంగ‌తి తెలిసిందే. ఆ త‌ర్వాత హ‌రీష్ శంక‌ర్ .. సురేంద‌ర్ రెడ్డి లాంటి మాస్ డైరెక్ట‌ర్ల‌తోనూ సినిమాలు చేయ‌నున్నారు.