లాలా భీమ్లా డీజే.. ఊరిస్తున్న థమన్‌

పవన్‌ కళ్యాణ్‌ హీరోగా రూపొందిన భీమ్లా నాయక్‌ సినిమా ఫిబ్రవరిలో విడుదల కాబోతున్న విషయం తెల్సిందే. సంక్రాంతికే సినిమా విడుదల చేయాలని భావించినా కూడా రాధే శ్యామ్‌ మరియు ఆర్ ఆర్ ఆర్‌ సినిమాల మేకర్స్ రిక్వెస్ట్ మేరకు పవన్‌ కళ్యాణ్ భీమ్లా నాయక్‌ ను వాయిదా వేయించడం జరిగింది. భీమ్లా నాయక్ వాయిదా పడ్డ కూడా సందడి మాత్రం తగ్గడం లేదు. ఇప్పటికే సినిమా నుండి బ్యాక్ టు బ్యాక్ సాంగ్స్ వచ్చాయి. కొత్త సంవత్సరం కానుకగా మరో సాంగ్ ను విడుదల చేయబోతున్నట్లు థమన్ ప్రకటించాడు. సూపర్ హిట్‌ అయిన భీమ్లా నాయక్‌ కు డీ జే వర్షన్ ను థమన్‌ తీసుకు వచ్చేందుకు సిద్దం అయ్యాడు.

డిసెంబర్‌ 31 రాత్రి సమయంలో ఈ డీజే వర్షన్ విడుదల కాబోతుంది. కొత్త సంవత్సరం ప్రారంభం భీమ్లా నాయక్ లాలా భీమ్లా డీజే వర్షన్ తో ప్రారంభించేందుకు అభిమానులు వెయిట్‌ చేస్తున్నారు. పాట ఖచ్చితంగా సూపర్‌ హిట్‌ అంటూ అభిమానులు చాలా నమ్మకంతో ఉన్నారు. పాట పై ఉన్న అంచనాలను మరింత పెంచేలా సంగీత దర్శకుడు థమన్‌ సోషల్‌ మీడియాలో వరుసగా పోస్ట్ లు పెడుతూనే ఉన్నాడు. తాజాగా మరోసారి లాలా భీమ్లా డీజే ప్రొగ్రామింగ్‌ ఇన్ ప్రాసెస్ అన్నట్లుగా ట్వీట్‌ చేశాడు. ఇప్పటికే పాట కు ఫుల్‌ అంచనాలున్నాయని కూడా పేర్కొన్నాడు.

థమన్‌ ఈమద్య కాలంలో తన పాటలతో మాస్ ఆడియన్స్ ను ఉర్రూతలూగిస్తున్నాడు. అలాంటిది డీజే వర్షన్‌ అంటే మాస్ కు పూనకాలు ఖాయం అంటున్నారు. డీజే వర్షన్‌ లు ఈమద్య చాలా కామన్ అయ్యాయి. కాని సినిమా పాటలకు డీజే వర్షన్‌ లు చాలా తక్కువగా మనం చూస్తున్నాం. అలాంటిది భీమ్లా నాయక్‌ లాలా భీమ్లా పాట కు డీజే వర్షన్‌ రాబోతున్న నేపథ్యంలో అంచనాలు భారీగా ఉన్నాయి. లాలా భీమ్లా పాట ఇప్పటికే ఎక్కడ చూసినా కూడా వినిపిస్తూ ఉంది.. కవర్‌ సాంగ్స్ చేస్తున్నారు. ఇక డీజే వర్షన్‌ వస్తే మరింతగా భీమ్లా నాయక్‌ పాపులర్‌ అవ్వడం ఖాయం. పాట విడుదలకు ముందే థమన్ ట్వీట్ చేసి అభిమానులను ఊరిస్తున్నాడు. మరి పాట ఎలా ఉంటుందో చూడాలి.