ఇలా కుర్చీల‌పై డ్ర‌మ్స్ వాయించే పైకొచ్చాడు!

ప్ర‌తి ఒక్కరికి బాల్యంలో మెమ‌రీస్ అనేవి ఉంటాయి. అక‌స్మాత్తుగానో లేక సాలోచ‌న‌గానో ఉన్న‌ప్పుడు వాటిని రివైండ్ చేసిన‌ప్పుడు ఎంతో హాయిగా అనిపిస్తుంది. ఇప్ప‌టి జీవితం కంటే అప్పుడే ఎంతో బాగుంద‌ని అనుకునేవాళ్లు ఉంటారు. ఏదైతేనేం అలాంటి ఒక అంద‌మైన జ్ఞాప‌కాన్ని థ‌మ‌న్ ఇప్పుడు గుర్తు చేసుకున్నారు. దానికి కార‌ణం ఆ కుర్రాడే.

థ‌మ‌న్ ఎంత పెద్ద మ్యూజిక్ డైరెక్ట‌ర్ అయితేనేం.. ఆ చిన్న పిల్లాడి డ్ర‌మ్స్ ప్రాక్టీస్ ఎంత‌గానో న‌చ్చేసింది. ఆ చిన్నారి బాల‌కుడు ఒక‌ స్టూల్ తో భీమ్లా నాయక్ పాట కి డ్రమ్స్ వాయిస్తూ ఆశ్చ‌ర్య‌ప‌రిచాడు. దీనికి స్పందించిన థ‌మ‌న్.. తన అందమైన కుర్చీ ని డ్రమ్మింగ్ సాధనం గా ఉపయోగించాలి అనే ఆలోచన తన చిన్ననాటి రోజులను గుర్తు చేసింది అని ఆనందం వ్య‌క్తం చేశారు.

ప్ర‌స్తుతం థ‌మ‌న్ సౌత్ లోనే మోస్ట్ వాంటెడ్ మ్యూజిక్ డైరెక్ట‌ర్ గా వెలిగిపోతున్న సంగ‌తి తెలిసిందే. అల వైకుంఠ‌పుర‌ములో చార్ట్ బ‌స్ట‌ర్ సాంగ్స్ తో అత‌డి ఖ్యాతి ఖండాంత‌రాల‌కు విస్త‌రించింది. ఇటీవ‌ల‌ మ‌హేష్ స‌ర్కార్ వారి పాట‌.. ప‌వ‌న్ భీమ్లా నాయ‌క్ చిత్రాల‌కు బాణీలు అందిస్తున్నారు. బ్యాక్ టు బ్యాక్ భీమ్లా నాయ‌క్ పాట‌లు విడుద‌ల కాగా చార్ట్ బ‌స్ట‌ర్లుగా నిలిచాయి. భీమ్లా పాట‌లు మాస్ లోకి దూసుకెళ్లాయి. మునుముందు ఈ సినిమా సింగిల్స్ మ‌రింత‌గా టాక్ ఆఫ్ ది ఇండ‌స్ట్రీ కానున్నాయని నిరూప‌ణ అవుతోంది. థ‌మ‌న్ బీట్ ప‌వ‌ర్ ఏంటో మ‌రోసారి నిరూప‌ణ అవుతోంది. కుర్చీల‌పై డ్ర‌మ్స్ వాయించిన చిన్న‌నాటి రోజుల్ని గుర్తు చేసుకున్న థ‌మ‌న్ ఇప్పుడిలా ఎమోష‌న్ అవుతున్నాడంటే అత‌డి కి ఈ స్థాయిని తెచ్చింది ఆ త‌ప‌నే సుమీ!