వీడియో: భీష్ముడి లొకేషన్లో రష్మిక అల్లరి!

వెంకీ కుడుముల దర్శకత్వంలో నితిన్ - రష్మిక జంటగా నటిస్తున్న రొమాంటిక్ కామెడీ 'భీష్మ'. ఈ శుక్రవారం 'భీష్మ' ప్రేక్షకుల ముందుకు రానుంది. నితిన్ నటించిన గత మూడు సినిమాలు నిరాశపరిచాయి కానీ గ్యాప్ తీసుకుని మరీ నటించిన 'భీష్మ' కు డీసెంట్ బజ్ ఉంది. ఇంట్రెస్టింగ్ ప్రోమోస్ తో ప్రేక్షకుల్లో ఆసక్తిని కలిగించారు. మొదట్లో పెద్దగా బజ్ లేకపోయినా వాటే బ్యూటీ పాట విడుదల తర్వాత ఒక్కసారిగా సినిమాపై ఆసక్తి పెరిగింది.

'భీష్మ' టీమ్ ఆ జోష్ ను కొనసాగించేలా ఈరోజు ఒక మేకింగ్ వీడియోను విడుదల చేసింది. మూడు నిముషాలకు పైగా ఉన్న ఈ మేకింగ్ వీడియో చూస్తే 'భీష్మ' టీమ్ షూటింగ్ సమయంలో ఎలా సరదాగా గడిపారో.. లొకేషన్లో వాతావరణం ఎంత స్నేహపూర్వకంగా ఉందో మనకు తెలుస్తుంది. ఈ వీడియోకు నేపథ్యంగా సింగిల్స్ యాంథెమ్ పాటను ప్లే చెయ్యడం విశేషం. ఈ వీడియోలో రష్మిక అల్లరి మామూలుగా లేదు. కర్వేపాకు కొత్తిమీర కట్టలను వెంకీ కుడుముల చెవులకు పెట్టడం లాంటి ఎన్నో చిలిపి పనులు చేసింది. బోర్డ్ రూమ్ మీటింగ్ సీన్ లో వెంకీపై ఏం డైలాగ్ వేసిందో కానీ రష్మిక ను సరదాగా కొట్టబోయాడు. మరో సీన్ లో వెంకీ షర్టుపై ఏవేవో పెన్నుతో రాసింది. అందులో ఒకటి 'హీ ఈజ్ ఎ వెరీ రొమాంటిక్ ఫెలో' అంటూ నితిన్ చదవడం ఆకట్టుకుంటుంది.

సినిమాపై అంచనాలను ఈ మేకింగ్ వీడియో పెంచేదిగా ఉంది. మేకింగ్ టైమ్ లో ఉన్న ఫన్ కనుక సిల్వర్ స్క్రీన్ పై వర్క్ అవుట్ అయితే ప్రేక్షకులను మెప్పించే అవకాశాలు ఉంటాయి. అలా జరుగుతుందా లేదా అనే విషయం రేపే తెలుస్తుంది.