దసరా కానుకగా బుల్లితెరపై బ్లాక్ బస్టర్ 'భీష్మ'...!

యూత్ స్టార్ నితిన్ - లక్కీ బ్యూటీ రష్మిక మందన్న హీరోహీరోయిన్లుగా నటించిన చిత్రం ''భీష్మ''. 'ఛలో' ఫేమ్ వెంకీ కుడుముల దర్శకత్వం వహించిన 'భీష్మ' చిత్రాన్ని సితార ఎంటర్టైన్మెంట్స్ బ్యానర్‌ పై సూర్యదేవర నాగవంశీ నిర్మించారు. ఫ్యామిలీ ఎంటర్టైన్మెంట్ గా తెరకెక్కిన ఈ చిత్రం భారీ అంచనాలతో మహాశివరాత్రి కానుకగా ఫిబ్రవరి 21న ప్రేక్షకుల ముందుకు వచ్చింది. మొదటి షో నుంచే పాజిటివ్ టాక్ తెచ్చుకున్న ఈ సినిమా బ్లాక్ బస్టర్ హిట్ గా నిలిచింది. ఇక 'శ్రీనివాస కళ్యాణం' సినిమా తర్వాత గ్యాప్ తీసుకొని నటించిన నితిన్ కి కెరీర్ లోనే అత్యధిక కలెక్షన్స్ వసూలు చేసిన మూవీగా 'భీష్మ' నిలిచింది. కాకపోతే కరోనా మహమ్మారి వచ్చి దేశవ్యాప్తంగా థియేటర్లు, మల్టీప్లెక్సులు మూతబడటంతో ఈ సినిమా లాంగ్ రన్ పై దెబ్బపడింది. అయితే వెండితెరపై అలరించిన బ్లాక్ బస్టర్ 'భీష్మ' ఇప్పుడు బుల్లితెర ప్రేక్షకులను ఎంటర్టైన్ చేయడానికి రెడీ అయింది.

దసరా కానుకగా జెమినీ టీవీలో అక్టోబర్ 25న ఫ్యామిలీ అందరూ చూసే విధంగా సాయంత్రం గంటలు 6.30 నిమిషాలకు ప్రసారం చేయనున్నారు. తాజాగా జెమినీ టీవీలో 'వచ్చేస్తున్నా' అంటూ 'భీష్మ' కి సంబంధించిన ప్రోమోని విడుదల చేశారు. కితకితలు పెట్టించే కామిడీ సన్నివేశాలు.. అడుగడుగునా పంచ్ డైలాగ్స్.. నితిన్ డ్యాన్సులు ఫైట్స్.. ఇలా వేటికవే ప్రత్యేకంగా నిలిచిన ఈ సినిమా ఇప్పుడు బుల్లితెర ప్రేక్షకులకు అలరించనుంది. ఇక ఈ చిత్రానికి మహతి స్వర సాగర్ సంగీతం అందించగా సాయి శ్రీరామ్ సినిమాటోగ్రాఫర్ గా వ్యవహరించారు. ఈ చిత్రంలో హెబ్బా పటేల్ - అనంత నాగ్ - జిష్ణు సేన్ గుప్తా - సీనియర్ నరేష్ - సంపత్ రాజ్ - అజయ్ - బ్రహ్మాజీ - వెన్నెల కిషోర్ - రఘుబాబు తదితరులు ఇతర పాత్రల్లో నటించారు. భారీ తారాగణంతో కంప్లీట్ ఫ్యామిలీ ఎంటర్టైన్మెంట్ గా తెరకెక్కిన 'భీష్మ' అక్టోబర్ 25న జెమినీ టీవీలో టెలికాస్ట్ కానుంది.