కాకతాళీయమా? కావాలని పెట్టారా భీష్మ?

కన్నడ బ్యూటీ రష్మిక మందన్న ఛలో మరియు గీత గోవిందం చిత్రాలతో ఒక్కసారిగా టాలీవుడ్‌ స్టార్‌ హీరోయిన్‌ గా మారిపోయిన విషయం తెల్సిందే. తెలుగుతో పాటు తమిళం మరియు కన్నడం చిత్రాల్లో కూడా ఈ అమ్మడు వరుసగా నటిస్తూ రెండు చేతులా సంపాదిస్తుంది. ఈ నేపథ్యంలోనే రష్మిక పేరుపై ఆధాయానికి మించి ఆస్తులు ఉన్నట్లుగా ఐటీ అధికారులు గుర్తించారు. తన ఆస్తులను దాచేందుకు ప్రయత్నించినందుకు గాను రష్మిక విచారణ ఎదుర్కొన్న విషయం కూడా తెల్సిందే. ఆ విషయం ప్రస్తుతం విచారణలో ఉంది. రష్మికకు ఫైన్‌ పడే అవకాశం ఉందని అంటున్నారు.

ఒక వైపు రష్మిక ఆస్తులపై ఐటీ అధికారులు దాడి చేయగా మరో వైపు ఆమె నటించిన భీష్మ సినిమాలోని పాటలో ఇంతందాన్ని దాచొద్దే ఇన్‌ కమ్‌ ట్యాక్స్‌ రైడైపోద్దే అంటూ చరణంలో ఉంది. నితిన్‌ హీరోగా రష్మిక హీరోయిన్‌ గా నటించిన ఈ చిత్రంలోని మొదటి సాంగ్‌ తాజాగా విడుదలైంది. వాట్టే బ్యూటీ అంటూ సాగే ఈ పాటలో ఇన్‌ కమ్‌ ట్యాక్స్‌ అధికారుల రైడింగ్‌ అంటూ ఉండటం అందరిని ఆశ్చర్య పర్చుతుంది. ఇది కాకతాళీయంగా జరిగిందా లేదంటే పబ్లిసిటీ వస్తుందని కావాలని పెట్టారా అనేది తెలియదు. కాని ప్రస్తుతం సోషల్‌ మీడియాలో ఆ బిట్‌ వరకు వైరల్‌ అవుతూనే ఉంది.

ఇటీవలే సంక్రాంతికి సరిలేరు నీకెవ్వరు చిత్రంతో మహేష్‌ బాబుతో కలిసి వచ్చిన రష్మిక మందన్న త్వరలో నితిన్‌ తో కలిసి భీష్మ చిత్రంతో ప్రేక్షకుల ముందుకు వచ్చేందుకు సిద్దం అయ్యింది. వెంకీ కుడుముల దర్శకత్వంలో రూపొందిన ఈ చిత్రంలో నితిన్‌.. రష్మికల రొమాన్స్‌ పీక్స్‌ లో ఉంటుందని టీజర్‌ మరియు పాటను చూస్తుంటే అనిపిస్తుంది. వీరిద్దరి మద్య కెమిస్ట్రీ బాగుందని కూడా టాక్‌ వచ్చింది. రష్మికతో మరోసారి కలిసి వర్క్‌ చేయాలని నితిన్‌ బలంగా కోరుకుంటున్నాడు. కనుక త్వరలోనే మళ్లీ వీరిద్దరు కలిసి నటించే అవకాశాలు ఎక్కువే ఉన్నాయి.