'భీష్మ' సంక్రాంతి గిఫ్ట్ రెడీ

యూత్ స్టార్ నితిన్- ర‌ష్మిక మంద‌న జంట‌గా `ఛలో` ఫేం వెంకీ కుడుముల ద‌ర్శ‌క‌త్వం వ‌హిస్తోన్న చిత్రం `భీష్మ‌`. పిడివి ప్ర‌సాద్ స‌మ‌ర్ప‌ణ‌లో సితార ఎంట‌ర్ టైన్ మెంట్స్ నిర్మిస్తోంది. రొమాటింక్ కామెడీ ఎంట‌ర్ టైన‌ర్ ఇది. సెట్స్ కు వెళ్ల‌డం ఆల‌స్య‌మ‌వ్వ‌డంతో చిత్రీక‌ర‌ణ‌ను వేగంగా పూర్తిచేసే ప‌నిలో ఉంది టీమ్. ఇప్ప‌టికే రిలీజైన‌ నితిన్-ర‌ష్మిక లుక్స్ కి సంబంధించిన పోస్ట‌ర్లు ఆస‌క్తిని పెంచాయి. ఈ సినిమాలో ల‌వ‌ర్ బోయ్ గెట‌ప్ కోసం నితిన్ బాగా బ‌రువు త‌గ్గి స్లిమ్ లుక్ లో కనిపిస్తున్నాడు. ర‌ష్మిక పాత్ర ఎగ్రెసివ్ గా ఉంటుంద‌న్న స‌మాచారం ఉంది.

`ఛ‌లో` చిత్రంతో ద‌ర్శ‌కుడిగా వెంకీ కుడుములకు మంచి పేరు రావ‌డంతో భీష్మ‌తో స‌క్సెస్ అందుకుంటాడ‌న్న ధీమా చిత్ర‌బృందంలో క‌నిపిస్తోంది. ఇక నితిన్ స‌క్సెస్ అందుకుని చాలా కాల‌మ‌వుతోంది. ఈ సినిమాతో విజ‌యం అందుకుని గెలుపు గుర్రం ఎక్కాల‌ని చూస్తున్నాడు. ఇప్ప‌టికే ఔట్ పుట్ పై టీమ్ అంతా ధీమాగా ఉంది. తాజాగా టీజ‌ర్ రిలీజ్ కు టైమ్ ఫిక్స్ చేసారు. సంక్రాంతి కానుక‌గా జ‌న‌వ‌రి 12న 10 గంట‌ల‌కు టీజ‌ర్ రిలీజ్ చేస్తున్నామి కొత్త పోస్ట‌ర్ లో రివీల్ చేసారు.

ట్రెడిష‌న‌ల్ శారీలో ర‌ష్మిక‌... అమాయ‌క చ‌క్ర‌వ‌ర్తి వేషంలో నితిన్ ని పోస్ట‌ర్ లో ఎలివేట్ చేసారు. అలాగే ఈ చిత్రాన్ని ఫిబ్ర‌వ‌రి లో రిలీజ్ చేస్తున్న‌ట్లు రివీల్ చేసారు. అయితే రిలీజ్ తేదీ మాత్రం ఇదీ అంటూ ప్ర‌క‌టించ‌లేదు. మ‌రి ఈ రొమాంటిక్ డ్రామా థీమ్ ఏమిటి? అన్న‌ది టీజ‌ర్ రిలీజ్ అయితే ఓ క్లారిటీ వ‌చ్చే అవ‌కాశం ఉంది. ఈ చిత్రానికి సాగ‌ర్ సంగీతం అందిస్తున్నారు.