'సన్ నెక్స్ట్'లో భీష్మ విడుదల తేదీ ఫిక్స్..

వేసవి కాలంతో పాటు ప్రస్తుతం దేశంలో కరోనా కాలం కూడా నడుస్తుంది. కరోనా దెబ్బతో దేశంలోని రాష్ట్రాలన్నీ లాక్ డౌన్ లో ఉండిపోయాయి. దాదాపు ఇరవై రోజుల పైనే లాక్ డౌన్ కి కేంద్ర ప్రభుత్వం ప్రకటించిన విషయం తెలిసిందే. జనాలంతా ఇళ్లలోనే ఉంటున్నారు. మరి జనాలకు టైంపాస్ కావాలంటే ఎలా.. అంటే మాత్రం టీవిలు, సెల్ ఫోన్లు మాత్రమే దిక్కు. ఇకపోతే ఆన్లైన్ సినిమాలు. ఈ మండే వేసవి కాలంలో చల్లగా ఇంట్లో కూర్చొని కామెడీ సినిమాలు చూస్తూ హాయిగా నవ్వుతూ బతికేయొచ్చు కదా..

అలాంటి తీపి కబురే తాజాగా వెల్లడించాడు డైరెక్టర్ వెంకీ కుడుముల. రీసెంట్ గా నితిన్ హీరోగా తెరకెక్కించిన "భీష్మ" సినిమాతో బ్లాక్ బస్టర్ ని అందుకున్నారు. మంచి కామెడీ ఎంటర్టైనర్ గా రూపొందిన ఈ సినిమా ప్రేక్షకులను నవ్వుల్లో ముంచెత్తింది. ప్రేక్షకాదరణతో పాటు మంచి వసూళ్లను కూడా రాబట్టింది. ఈ ఏడాది బ్లాక్ బస్టర్ లలో ఒకటిగా నిలిచిన భీష్మ సినిమా 'సన్ నెక్స్ట్'లో ఏప్రిల్ 27న రానుందట. ఇంకేం మరి వేసివిలో విసిగిపోతున్న వారికి ఇది ఒక చల్లని కబురేనని అందరూ భావిస్తున్నారు.