ల‌క్కీ ఛార్మ్ ని వ‌ద‌ల‌ని బాలీవుడ్ హీరో!

వెట‌ర‌న్ హీరోయిన్ ట‌బు బాలీవుడ్ హీరోల‌కు ల‌క్కీ చార్మ్ గా మారిపోయింది. గ‌త కొంత కాలంగా బాలీవుడ్ సినిమాలు విజ‌యం సాధించ‌డం లేద‌న్న‌ది అంద‌రికి తెలిసిందే. అయితే ట‌బు కీల‌క పాత్ర‌ల్లో న‌టించిన సినిమాలు మాత్రం బాలీవుడ్ బాక్సాఫీస్ వ‌ద్ద భారీ విజ‌యాల్ని ద‌క్కించుకోవ‌డ‌మే కాకుండా భారీ స్థాయిలో వ‌సూళ్ల ని రాబ‌ట్టి బాలీవుడ్ కు స‌క్సెస్ ల‌ని అందించాయి. కార్తీక్ ఆర్య‌న్ హీరోగా న‌టించిన థ్రిల్ల‌ర్ మూవీ `భూల్ బుల‌య్యా 2` భారీ విజ‌యాన్ని సాధించిన వ‌సూళ్ల వ‌ర్షం కురిపించిన విష‌యం తెలిసిందే.

ఈ మూవీ త‌రువాత విడుద‌లైన బాలీవుడ్ సినిమాలు చాలా వ‌ర‌కు బాక్సాఫీస్ వ‌ద్ద బోల్తా కొట్టాయి. ఈ క్ర‌మంలో అజ‌య్ దేవ‌గ‌న్ తో క‌లిసి ట‌బు న‌టించిన `దృశ్యం 2` ఊహించ‌ని విధంగా వ‌సూళ్ల వ‌ర్సం కురిపించి బాలీవుడ్ వ‌ర్గాల్లో స‌రికొత్త ఆశ‌లు చిగురించేలా చేసింది. అజ‌య్‌ దేవ‌గ‌న్ కు భారీ విజ‌యాన్ని అందించింది. దీంతో ఈ మూవీ అందించిన స‌క్సెస్ జోష్ తో వున్న అజ‌య్ దేవ‌గ‌న్ బాలీవుడ్ కు ల‌క్ష్మీ ఛార్మ్ గా మారిన ట‌బుని మ‌రో సినిమాకు తీసుకున్నాడు.

అజ‌య్ దేవ‌గ‌న్ హీరోగా న‌టిస్తూ స్వీయ ద‌ర్శ‌క‌త్వంలో తెర‌కెక్కిస్తున్న యాక్ష‌న్ ఎంట‌ర్ టైన‌ర్ `భోళా`. 3డీ ఫార్మాట్ లో అత్యంత భారీ స్థాయిలో ఈ మూవీని అజ‌య్ దేవ‌గ‌న్ తెర‌కెక్కిస్తున్నాడు.

2019లో కార్తి హీరోగా లోకేష్ క‌న‌గ‌రాజ్ ద‌ర్శ‌క‌త్వంలో రూపొందిన `ఖైదీ` త‌మిళ‌, తెలుగు భాష‌ల్లో ఏ స్థాయి సంచ‌ల‌నాలు సృష్టించిందో అంద‌రికి తెలిసిందే. ఈ మూవీకి రీమేక్ గా `భోళా`ని 3డీ లో అజ‌య్ దేవ‌గ‌న్ తెర‌కెక్కిస్తున్నాడు. బాలీవుడ్ కు ల‌క్కీ ఛార్మ్ గా మారిన ట‌బు `భోళా` తో త‌న మ్యాజిక్ ని కంటిన్యూ చేస్తుందో తెలియాలంటే మార్చి 30 వ‌రకు వేచి చూడాల్సిందే.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.