భూమిక రీఎంట్రీకి ధోని హెల్ప్

భూమిక చావ్లా.. మన ట్వంటీ ఫస్ట్ సెంచరీ మిస్సమ్మ రీ ఎంట్రీ ఇస్తోంది. ఇక్కడ అడపా దడపా కనిపిస్తోంది కాబట్టి.. రీ ఎంట్రీ ఇక్కడ కాదు లెండి.. బాలీవుడ్ లో. హిందీలో కూడా చేసింది గతంలో. పెళ్లి తర్వాత పెద్దగా ఏం కనిపించకపోవడంతో.. బాలీవుడ్ కి భూమికకి ఎనిమిదేళ్ల గ్యాప్ వచ్చేసింది. ఇప్పుడు మరో ప్రెస్టీజియస్ ప్రాజెక్ట్ తో రీ ఎంట్రీకి మిస్సమ్మ రెడీ అయిపోయింది.

ఎంఎస్ ధోనీ.. ది అన్ టోల్డ్ స్టోరీ పేరుతో.. క్రికటర్ ధోని బయోపిక్ తెరకెక్కుతోంది. సుశాంత్ రాజ్ పుత్ - కియారా అద్వానీలు లీడ్ రోల్స్ చేస్తుండగా.. నీరజ్ పాండే డైరెక్టర్. ఈ మూవీతోనే భూమిక రీఎంట్రీ ఫిక్స్ అయింది. అది కూడా ఏదో చిన్నా చితకా కేరక్టర్ కాదుట. సినిమాకి కీలకమైన రోల్ చేస్తోందట మిస్సమ్మ. కథని టర్న్ తిప్పే రోల్ కావడంతో.. ప్రాధాన్యం ఉన్న సన్నివేశాలు చాలానే ఉంటాయట. ఇలా ధోనీతో రీ ఎంట్రీ ఇవ్వడాన్ని భూమిక కూడా కన్ఫాం చేసింది కానీ.. తన పాత్ర ఏంటో చెప్పడానికి మాత్రం ససేమిరా అనేసింది.

బాలీవుడ్ లో భూమిక చేసిన చిత్రాలు చాలానే ఉన్నాయి. తేరే నామ్ - గాంధీ మై ఫాదర్ - దిల్ నే జిసే అప్నా కహా - రన్ - దిల్ జో భి కహే లాంటి మంచి సినిమాల్లోనే కనిపించింది. యోగ టీచర్ భరత్ ఠాకూర్ ని పెళ్లి చేసుకున్న తర్వాత బాలీవుడ్ కి, ఫిలిం ఇండస్ట్రీకి హీరోయిన్ గా బాగానే గ్యాప్ వచ్చింది. ప్రస్తుతం యాక్సెప్ట్ చేసిన ధోనీ.. ది అన్ టోల్డ్ స్టోరీ.. అమ్మడి కెరీర్ కి చాలా కీలకం. ఇది క్లిక్ అయితే.. భూమిక వరుసగా మూవీస్ లో మెరిసినా ఆశ్చర్యపోనవసరం లేదు.