బిబి వార్తలపై స్పందించిన పవన్‌ హీరోయిన్‌

బాలీవుడ్‌ లో ఒకానొక సమయంలో అందరు టాప్‌ స్టార్‌ హీరోలతో నటించి సూపర్‌ హిట్స్ ను దక్కించుకున్న ముద్దుగుమ్మ భూమిక. పవన్ కళ్యాణ్‌.. మహేష్‌ బాబు.. ఎన్టీఆర్‌.. చిరంజీవి ఇంకా పలువురు స్టార్‌ ఫిల్మ్‌ స్టార్స్ తో నటించి మెప్పించిన భూమిక ఇటీవల సెకండ్‌ ఇన్నింగ్స్ ను మొదలు పెట్టింది. బుల్లి తెర మరియు వెండి తెర అనే తేడా లేకుండా వరుసగా ప్రాజెక్ట్‌ ల్లో కనిపిస్తున్న భూమిక హిందీ బిగ్‌ బాస్ సీజన్‌ 15 లో కంటెస్టెంట్‌ గా ఎంపిక అయ్యిందనే వార్తలు వచ్చాయి. సీజన్‌ 15 చాలా ప్రత్యేకంగా ఉండాలనే ఉద్దేశ్యంతో స్టార్స్ ను ఎంపిక చేస్తున్నట్లుగా పుకార్లు షికార్లు చేశాయి.

బిగ్‌ బాస్ సీజన్ 15 లో తాను ఉండబోతున్నట్లుగా వస్తున్న వార్తలను కొట్టి పారేసింది. తనకు గతంలో బిగ్‌ బాస్‌ టీమ్‌ నుండి ఆఫర్‌ వచ్చింది. పలు సందర్బాల్లో బిగ్‌ బాస్‌ టీమ్‌ మెంబర్స్ తనను కలిసి కంటెస్టెంట్ గా బిగ్‌ బాస్‌ హౌస్‌ లోకి వెళ్లాల్సిందిగా కోరారు. కాని ప్రతి సారి నేను నో చెప్పాను. ఇక ఈ సారి మాత్రం ఆఫర్ రాలేదు. ఒక వేళ వచ్చినా కూడా ఈసారి కూడా నేను నో చెప్తాను అంది. నేను బిగ్‌ బాస్ హౌస్ వంటి వాతావరణం లో ఇమడలేను. అందుకే ఆ షో కి వెళ్లాలి అనే ఆసక్తి నాకు ఎప్పుడు లేదని భూమిక క్లారిటీ ఇచ్చింది.

బిగ్ బాస్ షో కు దేశ వ్యాప్తంగా మంచి క్రేజ్ ఉంది. కాస్త ఆధరణ తగ్గిన ముద్దుగుమ్ములకు ముఖ్యంగా హీరోయిన్స్ కు బిగ్‌ బాస్ మంచి బూస్టింగ్‌ ఇస్తుంది. ఎంతో మందిని స్టార్‌ లను చేయడంతో పాటు పాత స్టార్‌ లను మళ్లీ మెరిసేలా చేసిన ఘనత బిగ్‌ బాస్ ది. అందుకే చాలా మంది ఆ ఆఫర్‌ కోసం ప్రయత్నాలు చేస్తూ ఉంటారు. కాని భూమిక మాత్రం చాలా సార్లు వచ్చినా కూడా నో చెప్పాను అంటోంది.