బిగ్ డిబేట్.. స‌మంత వ‌ర్సెస్ నాగ‌చైత‌న్య‌

గ‌డిచిన‌ కొంత‌కాలంగా వ్య‌క్తిగ‌త జీవిత క‌ల‌త‌ల‌తో స‌మంత‌-నాగ‌చైత‌న్య పేర్లు మీడియా హెడ్ లైన్స్ లోకి వ‌చ్చాయి. ఈ జంట బ్రేక‌ప్ వార్త‌లు జాతీయ స్థాయిలో హ‌ల్ చ‌ల్ చేసాయి. అనంత‌రం ఎవ‌రి దారిలో వారు వృత్తి ప‌రంగా బిజీ బిజీ అయిపోయారు. వ‌రుస‌గా అర‌డ‌జ‌ను ప్రాజెక్టుల‌తో ఆ ఇద్ద‌రూ బిజీగా ఉన్నారు. ఇంత‌లోనే స‌మంత వ‌ర్సెస్ నాగ‌చైత‌న్య అంటూ మ‌రో ర‌కం ప్ర‌చారం హీటెక్కిస్తోంది.

సామ్ న‌టించిన లేడీ ఓరియెంటెడ్ చిత్రం 'య‌శోద' ఆగ‌స్టు 12న విడుద‌ల‌వుతుండ‌డ‌మే దీనికి కార‌ణం. నిజానికి ఆ డేట్ కి ఒక రోజు ముందు అంటే ఆగ‌స్టు 11న‌ నాగ‌చైత‌న్య న‌టించిన లాల్ సింగ్ చ‌ద్దా విడుద‌ల‌వుతోంది. అమీర్ ఖాన్ - నాగ‌చైత‌న్య ప్ర‌ధాన‌పాత్ర‌ల్లో తెర‌కెక్కిన ఈ చిత్రం మోస్ట్ అవైటెడ్ మూవీగా ఈ ఏడాది విడుద‌ల‌కు సిద్ధ‌మ‌వుతోంది.

సమంత చిత్రం యశోద టైటిల్ స‌హా పోస్ట‌ర్ ల‌కు చ‌క్క‌ని రెస్పాన్స్ వ‌చ్చింది. ఆగస్ట్ 12న సినిమా విడుదల తేదీని అధికారికం చేశారు మేకర్స్. యశోద చిత్రానికి హరి- హరీష్ ద్వ‌యం దర్శకత్వం వహిస్తున్నారు. శివలెంక కృష్ణ ప్రసాద్ ఈ ప్రాజెక్ట్ ని నిర్మిస్తున్నారు.

దేశ‌వ్యాప్తంగా అత్యంత భారీ రిలీజ్ కి సిద్ధ‌మ‌వుతున్న లాల్ సింగ్ చ‌ద్దాతో య‌శోద పోటీప‌డుతుండ‌డం యాధృచ్ఛికం. అంటే ఈ ఏడాది స్వాతంత్య్ర దినోత్సవ వారాంతంలో బాక్సాఫీస్ వద్ద పరోక్షంగా నాగ చైతన్యతో సమంత తలపడనుంది.

ఇక ఇదే స‌మ‌యంలో అఖిల్ న‌టించిన ఏజెంట్ ని రిలీజ్ చేస్తుండ‌డం మ‌రో ట్విస్ట్ అని చెప్పాలి. ఏజెంట్ ను ఆగష్టు 11 న విడుదల చేసేందుకు టీమ్ ప్లాన్ చేస్తోంద‌న్న గుస‌గుస మ‌రింత‌గా వేడెక్కిస్తోంది. సురేంద‌ర్ రెడ్డి ఈ చిత్రాన్ని అత్యంత ప్ర‌తిష్ఠాత్మ‌కంగా తెర‌కెక్కిస్తున్నారు.

ఒక‌వేళ ఇదే నిజ‌మైతే చై వ‌ర్సెస్ సామ్ వ‌ర్సెస్ అఖిల్ వార్ ఆద్యంతం ర‌క్తి క‌ట్టిస్తుంది. ముఖ్యంగా అక్కినేని అభిమానుల‌ను ఇది పూర్తిగా క‌న్ఫ్యూజ‌న్ లోకి నెట్టేస్తుంద‌న‌డంలో సందేహం లేదు. నాగ‌చైత‌న్య వ‌ర్సెస్ అఖిల్ వార్ కి అంత‌గా ప్రాధాన్య‌త ఉండ‌క‌పోయినా నాగ‌చైత‌న్య వ‌ర్సెస్ స‌మంత వార్ కి ఫ్యాన్స్ లో ఎంతో ప్రాధాన్య‌త ఉంటుంద‌న‌డంలో సందేహం లేదు. ఫ్యామిలీ మ్యాన్ 2 తో జాతీయ స్థాయిలో గుర్తింపు తెచ్చుకున్న స‌మంత అక్కినేని హీరోల‌కు స‌వాల్ విసురుతోంది అంటూ అభిమానుల్లో ఒక‌టే డిస్క‌ష‌న్ సాగుతోంది. అయితే ఈ స‌వాల్ లో గెలుపెవ‌రిది? అన్న‌ది అస‌లు పాయింట్.