విజ‌య‌ద‌శ‌మికి టీజ‌ర్ల ధ‌మాకా.. పందెంలో ఎవ‌రెవ‌రు?

దేశవ్యాప్తంగా క‌రోనా దెబ్బ‌తో సినీ ఇండ‌స్ట్రీ తీవ్ర సంక్షోభంలోకి వెళ్లిపోయింది. గ‌త ఏడు నెల‌లుగా సినిమా షూటింగ్ ల‌న్నీ నిలిచిపోయాయి. షూటింగ్ పూర్త‌యిన సినిమాలు కొన్ని ఓటీటీల‌ని ఆశ్ర‌యించ‌గా, మ‌రి కొన్ని రిలీజ్ విష‌యంలో థియేట‌రా.. ఓటీటీనా అనే డైల‌మాలో వున్నాయి. ఓటీటీల్లో రిలీజ్ చేయ‌లేక కొన్ని సినిమాలు రిలీజ్ డేట్ ల‌ని వాయిదా వేసుకున్నాయి. ప‌రిస్థితిని బ‌ట్టి సినిమాల్ని రిలీజ్ చేయాల‌ని నిర్ణ‌యించుకున్నారు.

తాజాగా అన్ లాక్ ప్ర‌క్రియ‌లో భాగంగా వ‌రుస‌గా షూటింగ్ లు తిరిగి ప్రారంభం అవుతున్నాయి. థియేట‌ర్స్ ఈ నెల 15 నుంచి రీ ఓపెన్ అవుతుండ‌టంతో ఇండ‌స్ట్రీలో మ‌ళ్లీ సంద‌డి మొద‌లైంది. షూటింగ్ బ్యాలెన్స్ వున్న చిత్రాల్ని త్వ‌ర‌గా పూర్తి చేసి ద‌స‌రాకు హంగామా చేయాల‌ని హీరోలు.., ద‌ర్శ‌కులు ప్లాన్ చేస్తున్నారు. వినోదం కోసం ఎదురుచూస్తున్న ప్రేక్ష‌కుల‌కు.. అభిమానులకు ద‌స‌రాకు ట్రీట్ ఇవ్వాల‌ని ప్లాన్ చేస్తున్నారు. రేసులో ముందుగా `కేజీఎఫ్ చాప్ట‌ర్ 2` నిల‌వ‌బోతోంది. ఈ మూవీ నుంచి టీజ‌ర్ ‌ని రిలీజ్ చేయ‌బోతోందీ చిత్ర ‌బృందం.

ఇక తెలుగు చిత్రాల్లో `ఆర్ఆర్ఆర్` టీజ‌ర్ రిలీజ్ కు సై అంటోంది. కొర‌మం భీం పాత్ర‌కు సంబంధించిన ఫ‌స్ట్ లుక్ టీజ‌ర్ ని జ‌క్క‌న్న రిలీజ్ చేయ‌బోతున్నారు. ద‌స‌రా హంగామా ఈ టీజ‌ర్‌తోనే మొద‌లుకాబోతోంది. రామ్‌చ‌ర‌ణ్ ఈ టీజ‌ర్‌కు వాయిస్ అందించ‌బోతున్నాడు. భీమ్‌ని ప‌రిచ‌యం చేయ‌బోతున్నాడు. వీరితో పాటు మెగాస్టారు కూడా ఫ్యాన్స్‌కి ద‌స‌రా గిఫ్ట్ ఇచ్చేందుకు రెడీ అవుతున్నారు. `ఆచార్య‌` టీజ‌ర్‌లో అద‌ర‌గొట్ట‌బోతున్నార‌ట‌. ప్ర‌భాస్ కూడా ద‌స‌రా సంద‌డి రెడీ అయిపోతున్నాడు. త‌ను న‌టిస్తున్న తాజా చిత్రం `రాధేశ్యామ్‌` టీజ‌ర్ ని అందించ‌బోతున్నాడు. మ‌హేష్ స‌ర్కారు వారి పాట‌.., నాగ్ వైల్డ్ డాగ్‌,.. ప‌వ‌ర్‌స్టార్ `వ‌కీల్ సాబ్‌` నుంచి కూడా టీజ‌ర్ ల దండ యాత్ర జ‌ర‌గ‌బోతోంది. `పుష్ప‌` నుంచి కూడా టీజ‌ర్ ని వ‌ద‌లాల‌ని బ‌న్నీ, సుక్కు భావిస్తున్నాట‌ర‌. విజ‌య‌ద‌శ‌మికి విజ‌యం కోసం క్రేజీ చిత్రాల‌న్నీ టీజ‌ర్ల‌తో చిన్న పాటి యుద్ధానికి దిగుతుండ‌టం ఆస‌క్తిక‌రంగా మారింది.