'బిగ్ బాస్ -3' ఆ 15 మంది కంటెస్టెంట్స్ వీళ్లే

ఎన్నో వివాదాలు అడ్డంకుల న‌డుమ అన్నిటినీ ఎదురొడ్డి ఎట్ట‌కేల‌కు `బిగ్ బాస్ -3` మొద‌లైంది. ఆదివారం రాత్రి 9గంట‌ల‌కు హోస్ట్ అక్కినేని నాగార్జున ఈ షోకి సంబంధించిన కంటెస్టెంట్స్ ని ప్రేక్ష‌కుల‌కు ప‌రిచ‌యం చేశారు. ఈసారి హౌస్ లో న్యూస్ యాంకర్స్.. రియల్ కపుల్స్.. ఇద్దరు సీరియల్ ఆర్టిస్టులు.. ఒక కొరియోగ్రాఫర్.. తెలంగాణకు చెందిన గాయ‌ని.. ఒక బుల్లితెర యాంకర్.. ముగ్గురు నటీమణులు.. ఒక సీనియర్ నటి కమ్ కమెడియన్.. సీరియల్ కమెడియన్.. ఫన్‌ బకెట్ ఫేమ్ సంద‌డి చేయ‌బోతున్నారు. వీళ్లంద‌రికీ ఒక్కొక్క‌రి ప‌రిచ‌యం మూడు నిమిషాల పాటు సాగింది. ఏడుగురు మేల్.. ఎనిమిది మంది ఫీమేల్ ని ఎంపిక చేయ‌డం ఆస‌క్తిక‌రం.

బుల్లితెర‌పై అత్యంత ప్ర‌భావ‌వంత‌మైన హోస్టులుగా బిగ్ బి అమితాబ్ బ‌చ్చ‌న్.. స‌ల్మాన్ ఖాన్ కి ప్ర‌త్యేక గుర్తింపు ఉంది. ఆ త‌ర్వాత అంత పాపులారిటీ ఉన్న‌ది కింగ్ నాగార్జున‌కే అని చెప్పేందుకు సందేహించాల్సిన ప‌నేలేదు. మాటీవీలో `మీలో ఎవ‌రు కోటీశ్వ‌రుడు?` కార్య‌క్ర‌మాన్ని కింగ్ నాగార్జున ఎంత పెద్ద స‌క్సెస్ చేశారో తెలిసిందే. ఆ త‌ర్వాత మ‌రోసారి బిగ్ బాస్ సీజ‌న్ 3 తెలుగు హోస్ట్ గా కింగ్ బ్యాలెన్సింగ్ పెర్ఫామెన్స్ షో ఆద్యంతం ర‌క్తి క‌ట్టించారు. నాగ్‌ వాక్ చాతుర్యం.. మధ్య మధ్యలో పంచ్ లు అదిరిపోయాయి. పండు (కోతి బొమ్మ).. బిగ్‌ బాస్ మాటలు రియాలిటీ షోపై ఆస‌క్తిని పెంచాయి.

ఆ 15 మంది కంటెస్టెంట్ల వివరాలు ఇవీ...

తీన్మార్ సావిత్రి

తెలంగాణ యాసకు కొత్త అర్థాన్ని తెచ్చిన యాంక‌ర్ సావిత్రి. ఓ ప్ర‌ముఖ చానెల్ లో తీన్మార్ వార్తలతో ఫేమ‌స్ అయ్యారు. నిజానికి సావిత్రి అసలు పేరు సావిత్రి కాదు. శివజ్యోతి. తెలంగాణలోని నిజామాబాద్ జిల్లా బాల్కొండ మండలంలోని నాగంపేట గ్రామంలో మధ్య తరగతి కుటుంబం. ఆమె తల్లిదండ్రుల పేర్లు రాజమల్లేశ్.. యశోద. ఆమె తల్లి బీడీ కార్మికురాలు.. తండ్రి ఆర్ఎంపీ డాక్టర్.

సీరియల్ యాక్టర్ రవికృష్ణ

బిగ్‌ బాస్ హౌస్‌ లోకి రెండో కంటెస్టెంట్‌ సీరియల్ యాక్టర్ రవికృష్ణ. మొగలిరేకులు స‌హా పలు సీరియల్స్‌ లో ఈయన నటించి మెప్పించాడు. సీరియల్ ప్రియులకు రవికృష్ణను కొత్తగా పరిచయం చేయనవ‌స‌రం లేదు.

సోషల్ క్వీన్.. జూ.స‌మంత‌ అశురెడ్డి

జూనియ‌ర్ స‌మంత‌గా పాపుల‌రైన‌ డ‌బ్ స్మాష్ బ్యూటీ అశు రెడ్డి `బిగ్ బాస్` హౌస్ లో అడుగుపెట్టారు. న‌టిగా మ‌రీ అంత ఫేమ‌స్ ఏమీ కాదు. వీడియో యాప్ ల‌లో ల‌క్ష‌ల్లో ఫాలోవ‌ర్స్ ఉన్నారు కానీ ఇంకా రీచ‌బిలిటీ ఏం లేదు. అచ్చం స‌మంత‌లా క‌నిపించ‌డం త‌న‌కు ప్ల‌స్.

న్యూస్ యాంకర్ జాఫర్ బాబు

బిగ్‌ బాస్ హౌస్‌ లోకి నాలుగో కంటెస్టెంట్‌ గా ప్రముఖ న్యూస్ యాంకర్ జాఫర్ అడుగుపెట్టారు. ఆయన పూర్తిపేరు జాఫర్ బాబు. వార్తా ప్రియులకు.. న్యూస్ చానెల్స్ చూసేవారికి ప్రత్యేకించి ఈయన గురించి చెప్పనవ‌స‌రం లేదు. ప్ర‌ముఖ చానెల్ లో న్యూస్ యాంక‌ర్ గా అత‌డు సుప‌రిచితం. రాజ‌కీయ.. సినీ ప్ర‌ముఖుల్ని ఇంట‌ర్వ్యూలు చేయ‌డంలో స్పెష‌లిస్ట్. కాంట్రావ‌ర్శీలు అత‌డికి కొత్తేమీ కాదు.

నటి కమ్ డబ్బింగ్ ఆర్టిస్ట్ హిమజ

టాలీవుడ్ లో ప‌లువురు స్టార్ల‌కు డ‌బ్బింగ్ చెప్పిన అనుభవ‌జ్ఞురాలిగా హిమ‌జ సుప‌రిచితం. డ‌బ్బింగ్ క‌ళాకారిణిగా సుదీర్ఘ అనుభ‌వం ఉంది.

సింగర్ రాహుల్ సిప్లిగంజ్

ప‌క్కా హైద‌రాబాదీ. ట్యాలెంటెడ్ గాయ‌కుడు. కీర‌వాణి కొలువులో రెగ్యుల‌ర్ సింగర్. టాలీవుడ్ లో ఎన్నో చిత్రాల‌కు అత‌డు గాయ‌కుడిగా ఎన్నో హిట్ సాంగ్స్ ని పాడారు. ఓల్డ్ బ‌స్తీతో అనుబంధం ఉన్న సింగ‌ర్ అత‌డు. ప‌లు వీడియో ఆల్బ‌మ్ ల‌తోనూ యూత్ లో పాపుల‌ర్.

సీరియల్ కమెడియన్ కమ్ జబర్దస్త్ ఫేమ్ హిమజ

తెలుగు బుల్లితెర‌పై ప‌లు టీవీ సీరియ‌ళ్ల ద్వారా ప్రేక్ష‌కుల‌కు సుప‌రిచితం. జ‌బ‌ర్ధ‌స్త్ క‌మెడియ‌న్ గానూ హిమ‌జకు పాపుల‌రారిటీ ఉంది.

కొరియోగ్రాఫర్ బాబా భాస్కర్

సౌత్ లో సీనియ‌ర్ కొరియోగ్రాఫ‌ర్ గా ఫేమ‌స్. ఇటీవ‌లే రిలీజైన ర‌జ‌నీకాంత్ పేట చిత్రానికి ఆయ‌న కొరియోగ్ర‌ఫీ అందించారు. ఫిలింఫేర్ పుర‌స్కారాలు ఆయ‌న సొంతం.

నటి పునర్నవి భూపాలం

తెలుగు అమ్మాయి పున‌ర్న‌వి `ఉయ్యాల జంపాల‌` సినిమాతో ఫేమ‌స్ అయ్యారు. బిగ్‌ బాస్ హౌస్‌ లోకి తొమ్మిదవ కంటెస్టెంట్‌ గా అడుగుపెట్టారు. ఉయ్యాల జంపాల త‌ర్వాత క‌థానాయిక‌గానూ ల‌క్ చెక్ చేసుకున్న పున‌ర్న‌వి ట్యాలెంటెడ్ పెర్ఫామ‌ర్.

సీనియర్ నటి కమ్ కమెడియన్ హేమ

ప‌రిచయం అవ‌స‌రం లేని సీనియ‌ర్ న‌టి. ఇప్ప‌టికే ఎన్నో సినిమాల్లో స‌హాయ‌న‌టి పాత్ర‌ల్లో న‌టించారు. ఇటీవ‌లే మూవీ ఆర్టిస్టుల సంఘంలో కీల‌క ప‌ద‌విని చేప‌ట్టి సేవ‌లందిస్తున్నారు. బ్ర‌హ్మానందం స‌హా ఎంద‌రో స్టార్ క‌మెడియ‌న్ల‌తో అద్భుత‌మైన పాత్ర‌ల్లో న‌టించిన సీనియ‌ర్.

సీరియల్ యాక్టర్ అలీ రెజా

తెలుగు బుల్లితెర‌పై ప‌లు సీరియ‌ళ్ల‌తో అలీ రెజా ఫేమ‌స్ అయ్యారు. సోష‌ల్ మీడియాలోనూ ఫేమ‌స్.

ఫన్‌ బకెట్ ఫేమ్ మహేశ్ విట్టా

సోష‌ల్ మీడియా ద్వారా ఫేమ‌స్ అయిన త‌న‌కు ఫాలోవ‌ర్స్ బాగానే ఉన్నారు.

బుల్లితెర యాంకర్ శ్రీముఖి

టాలీవుడ్ లో ఉన్న టాప్ క్లాస్ యాంక‌ర్ల‌లో ఒక‌రుగా శ్రీ‌ముఖి ఫేమ‌స్. ఈటీవీ ప్లస్ లో ప్ర‌త్యేక కార్య‌క్ర‌మాల‌తో అల‌రిస్తున్నారు. ఆడియో- అవార్డ్ ఈవెంట్ల‌కు హోస్టింగ్ చేశారు. టాలీవుడ్ క‌థానాయిక‌గా ప‌లు విజ‌య‌వంత‌మైన చిత్రాల్లోనూ శ్రీ‌ముఖి న‌టించిన సంగ‌తి తెలిసిందే.

హీరో వరుణ్ సందేశ్

శేఖ‌ర్ క‌మ్ముల హ్యాపిడేస్ చిత్రంతో పెద్ద‌తెర‌కు ప‌రిచ‌యమై త‌క్కువ స‌మ‌యంలో ఎక్కువ ఫేమ‌స్ అయిన హీరో. కొత్త బంగారు లోకం లాంటి బ్లాక్ బ‌స్ట‌ర్ లోనూ న‌టించారు. క‌థానాయిక వితిక షేరుని ప్రేమించి పెళ్లి చేసుకున్నారు. హౌస్ లో ఈ దంప‌తులిద్ద‌రూ పార్టిసిపెంట్స్.

నటి వితిక షేరు

హీరో వ‌రుణ్ సందేశ్ ని పెళ్లాడారు. ఇంత‌కుముందు వ‌రుణ్ సందేశ్ స‌ర‌స‌న ఓ చిత్రంలో న‌టించారు. ఆ స‌మ‌యంలోనే వ‌రుణ్ సందేశ్ తో ప్రేమ‌లో ప‌డ్డారు. వ‌రుణ్ సందేశ్ - వితిక జోడీ ఈసారి బిగ్ బాస్ 3 కి ప్ర‌ధాన ఆక‌ర్ష‌ణ‌.