బిబి4 టామ్‌ అండ్‌ జెర్రీ ఏదో చేయబోతున్నారట!

తెలుగు బిగ్‌ బాస్ సీజన్ 4 లోకి చాలా విభిన్నంగా ఎంట్రీ ఇచ్చారు అరియారా మరియు సోహెల్‌. మొదటి రెండు రోజుల పాటు బిగ్ బాస్ హౌస్‌ లోనే ఒక స్పెషల్‌ రూంలో ఉన్నారు. వీరిద్దరు ఎంట్రీ ఇవ్వడంతోనే ఇతర కంటెస్టెంట్స్‌ కు దడదడలాడిపోయేలా చేశారు. అరియానా తన బోల్డ్‌ నెస్‌ తో మొదటి రోజే చాలా మందితో సున్నం పెట్టుకుంది. ఇద్దరు కలిసి వచ్చారు. ఇద్దరు మంచి స్నేహితులు అవుతారని అంతా సోహెల్‌ అరియానా గురించి అనుకున్నారు. కాని ఇద్దరు కూడా ఎప్పుడు టామ్‌ అండ్‌ జెర్రీ మాదిరిగా కొట్టుకుంటూనే తిట్టుకుంటూనే ఉన్నారు. చివరి వారం వీరిద్దరి మద్య ఫైట్‌ ఓ రేంజ్ లో వెళ్లి పోయింది. సోహెల్‌ అరియానాలు ఒకరిపై ఒకరు తిట్ట పురాణం అందుకున్నారు.

ఇద్దరు ఎన్నో సార్లు గొడవ పడ్డా మళ్లీ కలుస్తూనే వచ్చారు. వీరిద్దరి మద్య జరిగిన గొడవలతో బయటకు వచ్చాక వీరు మాట్లాడుకోక పోవచ్చు అనుకున్నారు. కాని అరియానా తాజాగా లైవ్ చిట్‌ చాట్‌ లో సోహెల్‌ గురించి స్పందిస్తూ.. వాడు నా క్లోజ్ ఫ్రెండ్‌. తప్పకుండా మేమిద్దరం ముందు ముందు కూడా మంచి స్నేహితులుగా కలిసి ఉంటాం. మీరు అంతా అనుకున్నట్లుగా మా మద్య ఎలాంటి గొడవలు లేవు. త్వరలో మేము ఇద్దరం కలిసి ఒక ప్రాజెక్ట్‌ చేయబోతున్నాం. దాంతో మేము మిమ్ములను సర్‌ ప్రైజ్ చేస్తాం అంటూ ఇంట్రెస్టింగ్‌ ప్రకటనను అరియానా వెళ్లడించింది. ఆ ప్రకటన ఏంటా అంటూ నెటిజన్స్‌ ఊహించడం మొదలు పెట్టారు. అది ఏమై ఉంటుంది అనేది వారు నోరు తెరిస్తే కాని క్లారిటీ వచ్చే అవకాశం లేదు.