మహేష్ మూవీలో ఐటమ్ సాంగ్ చెయ్యట్లేదు: బిగ్ బాస్ బ్యూటీ

టాలీవుడ్ సూపర్ స్టార్ మహేష్ బాబు గతేడాది 'సరిలేరు నీకెవ్వరు' సినిమాతో బాక్సాఫీస్ హిట్‌ అందుకున్న సంగతి తెలిసిందే. ప్రస్తుతం మహేష్ చేస్తున్న కొత్త సినిమా 'సర్కారు వారి పాట'. గీతగోవిందం ఫేమ్ పరశురామ్ దర్శకత్వంలో రాబోతున్న ఈ కొత్త సినిమా టైటిలే అందరి అంచనాలు అందుకుందని చెప్పవచ్చు. కానీ పరశురామ్ - మహేష్ కాంబినేషన్ ఎలా ఉండబోతుందా అనే అంతా ఎక్సయిటింగ్ గా ఎదురుచూస్తున్నారు. మేకర్స్ విడుదల చేసిన పోస్టర్లకు ప్రేక్షకుల నుండి సూపర్ రెస్పాన్స్ లభించింది. అయితే సూపర్ స్టార్ మహేష్ బాబు హీరోగా నటిస్తున్న 27వ సినిమాగా సర్కారు వారి పాట రూపొందుతుంది. ప్రస్తుతం దుబాయ్ లో షూటింగ్ జరుపుకుంటున్న ఈ సినిమా షెడ్యూల్ త్వరలోనే ముగుస్తుందట. అయితే తాజాగా సర్కారు వారి పాట గురించి ఓ ఇంటరెస్టింగ్ న్యూస్ చక్కర్లు కొట్టింది.

బిగ్ బాస్ బ్యూటీ మోనాల్ గజ్జర్.. ఈ మధ్య ఫుల్ పాపులారిటీ దక్కించుకుంది. బిగ్ బాస్ అన్ని సీజన్స్ కలిపి మోనాల్ ఒక్కరే ఇండస్ట్రీ పరంగా అవకాశాలు బిజీ అవుతుందట. అయితే మోనాల్ సర్కారు వారి పాట మూవీలో ఐటమ్ సాంగ్ చేస్తుందని.. మహేష్ తో కలిసి ఐటమ్ సాంగ్ లో చిందెయ్యనుందని వార్తలు వైరల్ అయ్యాయి. అయితే తాజాగా అమ్మడు స్పందించి.. తను సర్కారు వారి పాటలో ఎలాంటి స్పెషల్ సాంగ్ చేయట్లేదని తేల్చి చెప్పేసింది. ఇదిలా ఉండగా.. మహేష్ సర్కారు వారి పాటలో బ్యాంకు మేనేజర్ గా కనిపిస్తాడని సమాచారం. ఈ సినిమాలో మహేష్ సరసన కీర్తిసురేష్ రొమాన్స్ చేయనుంది. దుబాయ్ లో శరవేగంగా షూటింగ్ జరుపుకుంటున్న ఈ సినిమాకు తమన్ సంగీతం అందిస్తున్నాడు. ఇక ఈ సినిమా వచ్చే ఏడాది సంక్రాంతికి విడుదల కాబోతుంది.