బిగ్‌ బాస్ ఎలిమినేషన్ లో ట్విస్ట్: అసలు మజా ఇది కదా..

బిగ్ బాస్ ఎప్పుడు ఎలాంటి ట్విస్ట్ ఇస్తాడో ఎవరికి అర్ధం కావడం లేదు. మొన్నటి ఎపిసోడ్ లో కంటెస్టంట్స్‌ కు చెందిన పది మంది ఇంటి సభ్యులని తీసుకొచ్చి... ఇద్దరినే ఇంటి లోపలకు పంపి షాక్ ఇచ్చాడు. ఇక శనివారం ఎపిసోడ్ లో కూడా ఊహించని షాక్ ఇచ్చాడు. ఎలిమినేషన్ లో ట్విస్ట్ ఇచ్చాడు. ఆ ట్విస్ట్‌ ని నాగార్జున చక్కగా అమలుపరిచారు. శనివారం ఎపిసోడ్ లో ఎంటర్ అవ్వడమే నాగ్....గత సోమవారం జరిగిన ఎలిమినేషన్ ప్రక్రియలో హౌస్ మేట్స్ త్యాగాలని మెచ్చుకున్నాడు.

పునర్నవి కోసం 20 గ్లాసుల కాకరకాయ రసం ఎలా? తాగేసావు అని రాహుల్ ని ప్రశంసించారు. అయితే మీ త్యాగాలు చూస్తుంటే ఇద్దరి మధ్య ఏదో సంథింగ్ సంథింగ్ నడుస్తుందని నాకైతే అనిపిస్తుందని ఆడియన్స్‌‌ కి ఏం అనిపిస్తుందో చూడాలని నాగ్ అన్నారు. నామినేషన్స్‌ లో భాగంగా గెడ్డం మీసం తీసేసిన బాబా భాస్కర్‌ కి ట్విస్ట్ ఇవ్వడం కోసం.. నాగార్జున గెడ్డంతో దర్శనం ఇచ్చారు. ఇక హౌస్ మేట్స్ త్యాగాలని పొగిడిన నాగ్...అసలు ఆట మొదలుపెట్టారు.

ఈ వారం ఎలిమినేషన్ లో రాహుల్ - హిమజ - మహేశ్ లు ఉన్నారని....ఈ వారం డబుల్ ఎలిమినేషన్ ఉందని చెబుతూ..ఒకరు ఇప్పుడు...మరొకరు ఆదివారం ఎపిసోడ్ లో అవుతారని చెప్పి అసలు నాటకం మొదలుపెట్టారు. ఒక్కసారిగా అందరికి షాకిస్తూ...ఇప్పుడు రాహుల్ ఎలిమినేట్ అవుతున్నారని ప్రకటించారు. దీంతో అందరిలో బాధ మొదలైంది.

ఇక అలాగే బిగ్ బాస్ స్టేజ్ మీదకొచ్చిన రాహుల్ చేత నాగ్ ఎప్పటిలాగే ఓ గేమ్...బిగ్ బాంబ్ వేయించేశారు. ఆ బాంబ్‌ ను రాహుల్ హిమ‌జ మీద వేశాడు. చివరికి అందరికి గుడ్ బై అని చెప్పి అసలు ట్విస్ట్ బయటపెట్టారు. ఇది ఫేక్ ఎలిమినేషన్ అని....నువ్ ఎలిమినేట్ కాలేదని మళ్ళీ ఇంట్లోకి వెళ్లొచ్చని...అయితే బిగ్ బాస్ ఆదేశాల మేర లోపలకి వెళ్లాలని చెప్పి రాహుల్ కి షాక్ ఇచ్చారు. ఇక హౌస్ లోకి వెళ్ళాక మిగతా వాళ్ళు ఎలా షాక్ ? అవుతారో చూడాలి.