బిగ్ బాస్ టీమ్.. బిగ్ సర్ప్రైజ్ అదేనా..!

మే 20న యంగ్ టైగర్ ఎన్టీఆర్ పుట్టినరోజు సందర్భంగా ఆయన అభిమానులు, సిని ప్రేమికులు ఎన్టీఆర్ కు సర్ప్రైజ్ వీడియో లను రెడీ చేస్తున్నారు. ఈ నేపధ్యంలో ఒక ఆసక్తికర ప్రకటన ఎన్టీఆర్ అభిమానులకు ఊరట కలిగిస్తుంది. తెలుగులో బిగ్ బాస్ రియాలిటీ షోకి మొదటిసారిగా జూనియర్ ఎన్టీఆర్ వ్యాఖ్యాతగా వ్యవహరించిన విషయం తెలిసిందే. బిగ్ బాస్ షో తెలుగులో అంతగా పాపులర్ అవ్వడానికి ఎన్టీఆర్ ఒక కారణం అని చెప్పాలి. అయితే బిగ్ బాస్ షోకి సంబంధించిన హౌజ్ మేట్స్ అందరూ కలిసి ఒక వీడియో ను తయారు చేశారు. ఎన్టీఆర్ పుట్టిన రోజు సందర్భంగా ఈ స్పెషల్ వీడియోను ఉదయం 9:30 గంటలకు సంగీత దర్శకుడు తమన్ చేతుల మీదగా విడుదల చేయనున్నారు.

అయితే ఈ వీడియో ఎలా ఉంటుంది అనే దాని పై అభిమానులు వేయికళ్లతో ఆసక్తిగా వెయిట్ చేస్తున్నారు. ఇప్పటికే కొందరు సెలబ్రిటీలు ఎన్టీఆర్ పుట్టిన రోజు సందర్భంగా సర్ప్రైజ్ లు ఇవ్వడానికి సిద్దం అయినట్టు సమాచారం. అయితే ఇపుడు తమన్ విడుదల చేయబోయే వీడియో ఎలా ఉంటుంది అనే దాని పై ఆసక్తి నెలకొంది. ప్రస్తుతం ఎన్టీఆర్ ఆర్ఆర్ఆర్ లో కొమరం భీమ్ గా నటిస్తున్నాడు. రాజమౌళి దర్శకత్వంలో తెరకెక్కుతున్న 'ఆర్ఆర్ఆర్' సినిమా నుండి ఎటువంటి ఫస్ట్ లుక్ లేదా స్పెషల్ వీడియోను విడుదల చేయడం లేదని చిత్రబృందం ప్రకటించింది. తదుపరి సినిమాగా త్రివిక్రమ్ దర్శకత్వంలో ఎన్టీఆర్ రెండవ సినిమా చేస్తున్న సంగతి తెలిసిందే. ఈ సినిమాకి అయినను పోయిరావలె హస్తినకు అనే టైటిల్ ప్రచారంలో ఉంది.