బిగ్ బాస్ 4 .. షాకిస్తున్న‌ కింగ్ మూడు అవ‌తారాలు

తాత‌.. కొడుకు .. మ‌న‌వ‌డు .. ఒక‌రే అయితే ఆ మాయాజాల‌మే వేరు. అది కింగే అయితే మ‌రింత మ‌జాక్ గా ఉంట‌ది. నాగార్జున `బిగ్ బాస్ 4` సంగ్రహావలోకనం టీజర్ చూస్తే ఆ సంగ‌తి ఇట్టే అర్థ‌మైపోతోంది. పాత త‌రం మనిషి గా వృద్ధ గెట‌ప్ తో అభిమానులను షాక్ ‌కు గురిచేసిన నాగ్ తాజా టీజ‌ర్ లో మూడు వేర్వేరు గెట‌ప్పుల‌తో మ‌రింత స‌ర్ ప్రైజ్ చేశారు. తాత- కొడుకు -మనవడు మూడు జ‌న‌రేష‌న్ల‌కు సంబంధించిన లుక్ తో బిగ్ షాకిస్తున్నాడు కింగ్.

స్టార్ మా రియాలిటీ గేమ్ షో బిగ్ బాస్ 4 ఈసారి ఏ రేంజులో ర‌క్తి క‌ట్టించ‌నుందో చెప్పేందుకు ఇదో శాంపిల్ మాత్ర‌మే. కింగ్ మాత్రం తాజా ప్రచార వీడియోలో అందరినీ ఆశ్చర్యపరిచాడు. ప‌క్కింటి అత్తా కోడ‌లు ఎలా ఒక‌రిపై ఒక‌రు ప‌డి కొట్టుకుంటున్నారో కిటికీలోంచి తొంగి చూస్తూ ఆ తాత గారు ఏం చెప్పారులే! ఇక చేతిపై ట్రేడ్ మార్క్ ప‌చ్చ బొట్టు తో మ‌న‌వ‌డి లుక్ అదిరింది. ఇక తండ్రి లుక్ మాత్రం వెరీ క్లాస్.

సరదాగా సాగే ఇంటి విష‌యాల్ని అలా సీక్రెట్ గా గ‌మ‌నించ‌డ‌మే బిగ్ బాస్ ప‌ని. 100రోజుల పాటు ట్రీట్ ని రెడీ చేస్తున్నారు. నాగార్జున హోస్టింగ్ ఈసారి మ‌రింత రంజుగా ఉంటుంద‌ని అర్థ‌మ‌వుతోంది. ఈసారి హీరోలు హీరోయిన్లు యాంక‌ర్ల‌తో ఎపిసోడ్స్ ర‌క్తి క‌ట్టించ‌నున్నాయి. మూడు గెట‌ప్పులతో నాగ్ బాడీ లాంగ్వేజ్ డైలాగ్ మాడ్యులేషన్ వీక్ష‌కుల‌కు స్పెష‌ల్ ట్రీట్ అవుతుంద‌నే చెప్పాలి.