'ఆదిపురుష్' పై అంచనాలు పెంచుతున్న బిగ్ బాస్ విన్నర్..!

పాన్ ఇండియా స్టార్ డార్లింగ్ ప్రభాస్.. ప్రస్తుతం చేతిలో భారీ సినిమాలతో ఎప్పుడు లేనంత బిజీ అయిపోయాడు. ఈ ఏడాది ప్రారంభంలో రాధేశ్యామ్ అనే ప్రేమకథాచిత్రాన్ని పూర్తి చేసిన ప్రభాస్.. ప్రస్తుతం 'సలార్' అనే సాలిడ్ యాక్షన్ మూవీతో పాటుగా రామాయణం నేపథ్యంలో ఆదిపురుష్ అనే పౌరాణిక చిత్రంలో నటిస్తున్నాడు. బాహుబలి విడుదలైన సమయం నుండి ప్రభాస్ పాన్ ఇండియా స్టార్ గా చలామణి అవుతున్నాడు. ప్రస్తుతం ప్రభాస్ స్టార్డం దృష్టిలో పెట్టుకొనే మేకర్స్ సినిమాలు అదే రేంజిలో ప్లాన్ చేస్తున్నారు. అయితే ప్రభాస్ ఎప్పుడైతే ఆదిపురుష్ సినిమా ప్రకటించాడో అప్పటినుండి సినిమా గురించి సోషల్ మీడియాలో రోజురోజుకి వార్తలు హైలైట్ అవుతున్నాయి.

అయితే ఆదిపురుష్ సినిమా గురించి తాజాగా ఓ క్రేజీ న్యూస్ బాలీవుడ్ ఇండస్ట్రీ వర్గాలలో హల్చల్ చేస్తోంది. అదేంటంటే.. బాలీవుడ్ బిగ్ బాస్ సీజన్ 13 విన్నర్ సిద్ధార్థ్ శుక్లా ఆదిపురుష్ సినిమాలో కీలకపాత్ర పోషించనున్నట్లు వార్తలు వినిపిస్తున్నాయి. డైరెక్టర్ ఓంరౌత్ ఈ ఆదిపురుష్ లో మేఘనాధుడు అనే పాత్రకోసం సిద్ధార్థ్ ను సంప్రదించినట్లు తెలుస్తుంది. అయితే సిద్ధార్థ్ బిగ్ బాస్ ప్రోగ్రాంతో మాత్రమే కాకుండా చిన్నారి పెళ్లికూతురు - "దిల్ సే దిల్ తక్" లాంటి సీరియల్స్ ద్వారా మంచి క్రేజ్ ఫాలోయింగ్ దక్కించుకున్నాడు. ప్రస్తుతం సిద్దార్థ్ కూడా ఆదిపురుష్ సినిమా పై సానుకూలంగా స్పందించనునట్లు టాక్. మేకర్స్ కూడా సిద్దార్థ్ కన్ఫర్మేషన్ గురించి వెయిట్ చేస్తున్నట్లు సమాచారం.

అయితే ఆదిపురుష్ మూవీలో కీలకమైన మేఘనాధుడు పాత్రలో మరి సిద్దార్థ్ నటిస్తాడో లేదో తెలియాల్సి ఉంది. ఇంతలో సినిమా పై అంచనాలు మాత్రం పెంచేసాడు సిద్దార్థ్. ఎందుకంటే ఆల్రెడీ బాలీవుడ్ వర్గాలలో ఈ వార్త తెలిసి చాలా ఆసక్తిగా వెయిట్ చేస్తున్నట్లు టాక్. సిద్దార్థ్ రాకతో సినిమా పై అంచనాలు రెట్టింపు చేసిందని అంటున్నాయి బాలీవుడ్ వర్గాలు. అయితే ప్రభాస్ బయట కనిపించడానికి పెద్దగా ఇష్టపడడనే విషయం తెలిసిందే. పాన్ ఇండియా స్టార్ అయ్యేసరికి ప్రభాస్ పేరు అంతటా మార్మోగిపోతుంది. అందుకే పాన్ ఇండియా లెవెల్లో అన్ని సినిమాలు ప్లాన్ చేస్తున్నారు మేకర్స్. ఈ సినిమాలో ప్రభాస్ రాముడుగా - కృతిసనన్ సీతపాత్రలో - అలాగే మేఘనాధుడు పాత్రలో సిద్దార్థ్ శుక్ల(టాక్) - రావణాసురుడుగా సైఫ్ అలీఖాన్ నటిస్తున్నాడు. ఈ సినిమాను టి-సిరీస్ ఫిల్మ్స్ - రెట్రోఫిల్స్ సంయుక్తంగా నిర్మిస్తున్నారు.