#BIGGBOSS5TELUGU : అర్హత లేదంటూ లోబోను గెంటేశారు

తెలుగు బిగ్ బాస్‌ సీజన్‌ 5 ప్రారంభం అయ్యి ఇన్ని వారాలు అవుతుంది. ఇప్పటి వరకు ఒక ట్విస్ట్‌ లేదు.. ఒక వైల్డ్ ఎంట్రీ లేదు.. ఒక ఆకట్టుకునే అంశం జరగలేదు అంటూ అంతా కూడా జుట్టు పీక్కుంటున్న సమయంలో అనూహ్యంగా బిగ్ బాస్ నుండి లోబోను ఇంటి సభ్యుల జడ్జిమెంట్ ఆధారంగా బయటకు పంపిస్తున్నట్లుగా ప్రకటించారు. ఏడ్చేసిన లోబో అనూహ్యంగా నీవు ఎలిమినేట్ అవ్వలేదు. సీక్రెట్ రూమ్‌ లోకి వెళ్తున్నావు అంటూ షాకింగ్ గా నాగార్జున ప్రకటించాడు. ఈ విషయం ఎపిసోడ్ ముందుగానే లీక్ అయ్యింది. కాని లీక్ విషయం తెలియని వారు మాత్రం చాలా ఎమోషనల్‌ అయ్యారు. లోబో ఎలిమినేట్ అవుతున్న విషయం ఇంటి సభ్యులకు షాకింగ్ గా అనిపించింది. మొత్తానికి ఎపిసోడ్ ను నాగార్జున బాగానే రక్తి కట్టించాడు. ఎక్కువ మంది ఇంటి సభ్యులు లోబో కు ఇంట్లో ఉండే అర్హత లేదు అంటూ చెప్పడంతో అతడు వెళ్లి పోవాల్సిందే అంటూ నాగార్జున ప్రకటించడం.. స్టేజ్‌ పైకి పిలవడం.. ఇంటి సభ్యులకు బై చెప్పించడం అంతా కూడా నాటకీయంగా ఆకట్టుకునే విధంగా నాగార్జున రక్తి కట్టించాడు. చివర్లో లోబో వెళ్లి పోతుంటే ఆపి నిన్ను ప్రేక్షకులు కోరుకున్నారు.. కోరుకుంటున్నారు.. కనుక నీవు ఉండాలి. కాని నీవు కొన్ని రోజుల పాటు సీక్రెట్‌ రూమ్‌ లో ఉండాల్సి ఉంటుంది అంటూ సూచించాడు.

శనివారం ఎపిసోడ్‌ లో బొమ్మల ఫ్యాక్టరీ టాస్క్ లో భాగంగా జరిగిన రచ్చ మరియు రవి చేసిన మోసం ఇంకా ఇతర విషయాల గురించి చర్చించడం జరిగింది. బిగ్ బాస్ ఇంటి నియమాలను పాటించకుండా కుషన్లు ఇష్టానుసారంగా చించి వేయడం ను నాగార్జున కూడా తప్పుబట్టాడు. మొత్తానికి బిగ్ బాస్‌ ఇచ్చిన పనిష్మెంట్‌ ను నాగార్జున కూడా సమర్ధించాడు. నాగార్జున రవి.. యానీ.. లోబో ఇంకా కొందరిని తనదైన శైలిలో స్మూత్ గా సరి చేసే ప్రయత్నం చేశాడు. ప్రోమో చూస్తే చాలా సీరియస్ గా జరిగినట్లుగా అనిపించింది. కాని అనూహ్యంగా ఎపిసోడ్‌ లో మాత్రం అంత లేదు అన్నట్లుగా అనిపించింది. కొందరిని బాగా ఆడుతున్నావు అంటూ ప్రశంసించిన నాగ్‌ కొందరి విషయంలో మాత్రం తీవ్ర నిరుత్సాహంను వ్యక్తం చేస్తున్నట్లుగా ప్రకటించాడు. ఇక ఇంట్లో ఒక్కో సభ్యుడిని పిలిచి ఎవరికి ఇంట్లో ఉండే అర్హత లేదు అంటూ ప్రశ్నించాడు. ఇంటి సభ్యుల్లో ఎక్కువ శాతం ప్రియా మరియు లోబోలకు ఓటు వేశారు. ఆ తర్వాత కాజల్‌ కు కూడా ఓట్లు దక్కాయి. అయితే కాజల్ కంటే లోబో మరియు ప్రియాలకు ఎక్కువ ఓట్లు వచ్చాయి. వారిద్దరు నాలుగు నాలుగు ఓట్లతో ఉన్నారు.

ఆ సమయంలో బహిరంగంగా ఇద్దరిలో ఎవరికి ఎక్కువ మద్దతు అంటూ ప్రశ్నించిన సమయంలో లోబో వెనుక రవి.. విశ్వ.. సన్ని మరియు కాజల్‌ మాత్రమే నిల్చున్నారు. ఎక్కువ శాతం మంది ప్రియా కు మద్దతు తెలపడంతో లోబో బయటకు వెళ్లాల్సి వచ్చింది. లోబో సీక్రెట్ రూమ్‌ కు వెళ్లిన నేపథ్యంలో గేమ్‌ ఎలా ఉంటుంది అనేది అంతా ఆసక్తిగా ఎదురు చూస్తున్నారు. ఆది వారం ఎపిసోడ్‌ లో ఎవరు సేవ్‌ అవుతారు.. ఎవరు ఎలిమినేట్ అవుతారు అనే విషయాలను నాగార్జున రివీల్‌ చేస్తాడు. సోషల్‌ మీడియా లీక్ ను బట్టి ఆదివారం ఎపిసోడ్‌ లో శ్వేత ఎలిమినేట్ అవ్వబోతుంది. ఆమె మరియు లోబో ఇంకా విశ్వలకు తక్కువ ఓట్లు వచ్చాయి అనేది టాక్. విశ్వ కెప్టెన్ కనుక అతడు సేఫ్‌ అయినట్లే. ఇక లోబో బయటకు వెళ్లి సేఫ్‌ అయ్యాడు. కనుక శ్వేతకు తప్పలేదు ఎలిమినేషన్‌. ఆమె ఎలిమినేషన్ సమయంలో పరిస్థితి ఎలా ఉంటుంది అనేది చాలా ఆసక్తిగా మారింది.