ఆస్కార్‌ అకాడమీ నుండి బాలీవుడ్‌ స్టార్స్‌ కు ఆహ్వానం

ప్రపంచ వ్యాప్తంగా ఉన్న సినీ సెలబ్రెటీలు పొందాలనుకునే అవార్డు ఆస్కార్‌. మోషన్‌ పిక్చర్‌ ఆర్ట్స్‌ అండ్‌ సైన్సెస్‌ (ఏఎమ్‌ పీఏఎస్‌) వారు ఈ అవార్డును అందిస్తు ఉంటారు. ప్రతి ఏడాది మాదిరిగానే ఈ ఏడాది కూడా మోషన్‌ పిక్చర్‌ అర్ట్స్‌ అండ్‌ సైన్సెస్‌ వారు ప్రపంచ వ్యాప్తంగా సినీ ప్రముఖులకు ఆహ్వానం పంపించారు. అకాడమీ ఆద్వర్యంలో జరిగే కార్యక్రమంలో వారు ముఖ్య అతిధులుగా వారు పాల్గొనబోతున్నారు.

బాలీవుడ్‌కు చెందిన ప్రముఖులు గతంలో పలువురు ఆస్కార్‌ అవార్డు కార్యక్రమంలో పాల్గొన్నారు. ఈ ఏడాదికి గాను హృతిక్‌ రోషన్‌, ఆలియా భట్‌, ప్రముఖ కాస్టూమ్‌ డిజైనర్‌ నీతా లుల్లా, నిర్మాత ప్రియా స్వామినాధన్‌.. వీఎఫ్‌ఎక్స్‌ ప్రొడ్యూసర్‌ విషాల్‌ ఆనంద్‌ మరియు సందీప్‌ కమల్‌ లను ఆస్కార్‌ అకాడమి ఆహ్వానించింది. ఇంతకు ముందు ఏఆర్‌ రహమాన్‌ అమితాబచ్చన్‌ ఇర్ఫాన్‌ ఖాన్‌.. అమీర్‌ ఖాన్‌.. ఐశ్వర్య రాయ్‌.. దీపిక పదుకునేలతో పాటు పలువురు స్టార్స్‌ కూడా హాజరు అయ్యారు. ఈ ఏడాది ఆస్కార్‌ అవార్డులను మహమ్మారి వైరస్‌ కారణంగా వాయిదా వేశారు.