వీడియో : ఇప్పటికీ బిల్లా చూపు తిప్పనివ్వడంలేదు

రెబల్‌ స్టార్ ప్రభాస్‌ నటించిన సినిమాలు చాలానే ఉన్నాయి. అందులో చాలా మంది అభిమానులకి బిల్లా ఒక ప్రత్యేకమైన సినిమా గా గుర్తుండి పోతుంది. సూపర్‌ స్టైలిష్ యాక్షన్‌ ఎంటర్‌ టైనర్‌ గా బిల్లా సినిమా సూపర్ డూపర్ సక్సెస్ ని దక్కించుకున్న విషయం తెల్సిందే. ఆ సినిమా లో ప్రభాస్ తో పాటు కృష్ణంరాజు కూడా కీలక పాత్రలో నటించారు.

సినిమా వచ్చి పుష్కర కాలం దాటినా కూడా ఇంకా కూడా చాలా ఫ్రెష్‌ లుక్ ని బిల్లా కలిగి ఉంది అనడంలో ఎలాంటి సందేహం లేదు. ప్రభాస్ పుట్టిన రోజు సందర్భంగా బిల్లా సినిమా ను రీ రిలీజ్ చేసేందుకు గాను ఏర్పాట్లు జరుగుతున్నాయి. అక్టోబర్ 23 వ తారీకున ప్రపంచ వ్యాప్తంగా భారీ ఎత్తున సినిమాను విడుదల చేయబోతున్నాం అంటూ ప్రత్యేక ట్రైలర్‌ ను విడుదల చేశారు.

బిల్లా సినిమాను అప్పుడు చూసినప్పుడు ఎంతగా ఆకట్టుకుందో.. చూపు తిప్పుకోనివ్వలేదో.. ఇన్నాళ్ల తర్వాత చూసినా కూడా అదే ఫ్రెష్‌ లుక్ ను కలిగి ఉందంటూ తాజా యాక్షన్ ట్రైలర్‌ కి కామెంట్స్ వస్తున్నాయి. కృష్ణంరాజు మరియు ప్రభాస్‌ కాంబో సన్నివేశాలకు కచ్చితంగా మళ్లీ విజిల్స్ పడటం ఖాయం... మాస్ ఆడియన్స్ కాగితాలు చించేయడం ఖాయం.

ప్రభాస్ మరియు కృష్ణంరాజు ల కాంబినేషన్లో సూపర్‌ హిట్‌ అయిన బిల్లా సినిమాను రీ రిలీజ్ చేయడానికి ఇంత కంటే మంచి సమయం లభించదు అనేది కొందరి మాట. ఇటీవల కృష్ణంరాజు మృతి చెందారు.

ఆయన జ్ఞాపకార్థం మరియు ప్రభాస్‌ పుట్టిన రోజు రెండు కలిసి వచ్చేలా బిల్లా సినిమా రీ రిలీజ్ అయ్యి భారీ విజయాన్ని సొంతం చేసుకుని గత రికార్డులను బ్రేక్ చేయాలని అభిమానులు బలంగా కోరుకుంటున్నారు. మరి అది సాధ్యమేనా చూడాలి.




నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.