ట్రైల‌ర్ టాక్ : క‌ల్యాణ్ రామ్ న‌ట విశ్వ‌రూపం!

నంద‌మూరి క‌ల్యాణ్ రామ్ న‌టించిన అత్యంత భారీ బ‌డ్జెట్ మూవీ `బింబిసార‌`. ఫాంట‌సీ యాక్ష‌న్ ఎంట‌ర్ టైన‌ర్ గా ఈ మూవీని తెర‌కెక్కించారు. ఎన్టీఆర్ ఆర్ట్స్ బ్యాన‌ర్ పై కె. హ‌రికృష్ణ నిర్మించారు. హీరో క‌ల్యాణ్ రామ్ కెరీర్ లోనే అత్యంత ప్ర‌తిష్టాత్మ‌కంగా రూపొందిన చిత్ర‌మిది. ఈ మూవీ ద్వారా మ‌ల్లిడి వ‌శిష్ట ద‌ర్శ‌కుడిగా ప‌రిచ‌యం అవుతున్నారు. అత్యంత భారీ స్థాయిలో రూపొందిన ఈ మూవీ ఆగ‌స్టు 5న ప్రేక్ష‌కుల ముందుకు రానుంది.

కేథ‌రిన్‌, సంయుక్త మీన‌న్‌, వ‌రీనా హుస్సేన్ హీరోయిన్ లుగా నటించారు. సినిమా రిలీజ్ ద‌గ్గ‌ర‌ప‌డుతున్న నేప‌థ్యంలో చిత్ర బృందం ప్ర‌చార ప‌ర్వంలో వేగాన్ని పెంచింది. 5వ శ‌తాబ్ద కాలం నాటి మ‌గ‌ధ సామ్రాజ్యంలోని త్రిగ‌ర్త‌లాధినేత బింబిసారుడికి, నేటి కాలానికి లింక్ చేస్తూ స‌రికొత్త నేప‌థ్యంలో ఫాంట‌సీ యాక్ష‌న్ ఎంట‌ర్ టైన‌ర్ గా తెర‌కెక్కించిన ఈ మూవీ ఫ‌స్ట్ లుక్ నుంచి ప్రేక్ష‌కుల్ని విశేషంగా ఆక‌ట్టుకుంటోంది.

ఇప్ప‌టికే విడుద‌లైన టీజ‌ర్‌, లిరిక‌ల్ వీడియోస్ ని పంచుకున్న మేక‌ర్స్ తాగా బుధ‌వారం ట్రైల‌ర్ ని విడుద‌ల చేశాయి. బుధ‌వారం ఈ మూవీ ట్రైల‌ర్ ని స్టార్ హీరో, నంద‌మూరి క‌ల్యాణ్ రామ్ సోద‌రుడు యంగ్ టైగ‌ర్ ఎన్టీఆర్ సోష‌ల్ మీడియా ట్విట్ట‌ర్ వేదిగా విడుద‌ల చేశారు. ఈ సంద‌ర్భంగా`బింబిసారుడి ప్ర‌పంచం నుంచి మ‌రో గొప్ప ద‌ర్శ‌నం. ఆగస్ట్ 5న పెద్ద స్క్రీన్ అనుభవం మీ కోసం ఎదురుచూస్తోంది` అంటూ ఎన్టీఆర్ ట్వీట్ చేశారు. త్రిగ‌ర్త‌లాధినేత బింబిసారుడితో పాటు క‌ల్యాణ్ రామ్ పోషించిన మ‌రో పాత్ర‌ని కూడా ప‌రిచ‌యం చేశారు.

ట్రైల‌ర్ యుద్ధ విన్యాసాలు, ప‌వ‌ర్ ఫుల్ డైలాగ్ ల‌తో ఆద్యంతం ఆస‌క్తిక‌రంగా సాగింది. `హ‌ద్దుల‌ను చెరిపేస్తూ మ‌న రాజ్య‌పు స‌రిహ‌ద్దుల‌ను ఆపే రాజ్యాల‌ను దాటి వేస్తూ విస్త‌రించాలి.. శరణు కోరితే ప్రాణ భిక్ష...ఎదిరిస్తే మరణం.. అంటూ క‌ల్యాణ్ రామ్ చెబుతున్న ప‌వ‌ర్ ఫుల్ డైలాగ్ ల‌తో ట్రైల‌ర్ మొద‌లైంది. ఈ క‌ల‌ల సామ్రాజ్యాన్ని సాధించే బింబిసారుడొస్తున్నాడు చూడూ..అనే డైలాగ్.. విజువ‌ల్స్ లో క‌ల్యాణ్ రామ్ మ‌రో క్యారెక్ట‌ర్ ని ప‌రిచ‌యం చేశారు. రెండు పాత్ర‌లు విభిన్నంగా చాలా కొత్త‌గా వున్నాయి.

నాగైనా నేడైనా..త్రిగ‌ర్త‌ల చ‌రిత్ర‌ను తాకాలంటే.. ఈ బింబిసారుడి క‌త్తిని దాటాలి అంటూ మోడ్ర‌న్ డ్రెస్ లో వున్న క‌ల్యాణ్ రామ్ చెప్పే డూలాగ్స్‌.. సినిమాపై ఆస‌క్తిని రేకెత్తిస్తున్నాయి. స్ట‌న్సింగ్ విజువ‌ల్స్‌, ప‌వ‌ర్ పాత్ర‌లో క‌ల్యాణ్ రామ్ ని చూపించిన తీరు ఆక‌ట్టుకుంటోంది.

ట్రైల‌ర్ చూస్తుంటే బింబిసారుడిగా క‌ల్యాణ్ రామ్ న‌ట విశ్వ‌రూపాన్ని ప్ర‌ద‌ర్శించిన‌ట్టుగా తెలుస్తోంది. కీర‌వాణి సంగీతం అందించిన ఈ మూవీ ప్రీ రిలీజ్ ఈ వెంట్ జూలై 29న జ‌ర‌గ‌బోతోంది. దీనికి ముఖ్య అతిథిగా యంగ్ టైగ‌ర్ ఎన్టీఆర్ పాల్గొన‌బోతున్నారు. ఆట‌స్లు 5న అత్యంత భారీ స్థాయిలో ఈ మూవీని విడుద‌ల చేస్తున్నారు.